ملحوظه :
ــ ميمي باللون الاحمر
( يعني اي كلمه لونها أحمر تبئا من ميمي ) ــ سمسم باللون الاسود .. وهكذا
....
سمسم بيتصل بميمي
سمسم / ايه يا عمونا اخبارك ايه كل سنه وانت طيب
ميمي / وانت طيب يا صديقي
سمسم / اخبارك ايه وحشني اوي بقالي كتير مكلمتكش
ميمي / اه ياعم زعلان انا ,, بقالك ييجي شهريين مكلمتنيش ليه ياعم مش عيب عليك
سمسم / كنت مسافر والله ما انت عارف الاجازه بئا الواحد مبيعرفش يقعد في البيت
ميمي / اومال يا اخي في الجامعه بنبئا كل يوم سوا وفي الاجازه ولا نعرف بعض كده
سمسم / عديها عديها وبعدين يعني اصلا مدام انا ما اتصلش انت ما بتتصلش ليه
ميمي / حصل خير ياعم حصل خير المهم قولي
ــ ها
ميمي / هننزل الجامعه بكره ولا ايه نظامك
سمسم / نظام ايه يا عم طبيييييييييعي بكره ما انت فاهم ده بكره اول يوم في الدراسه
ــ منا واخد بالي
ههههههه ولا واخد ولا نيله
ــ المهم جبت هدوم ولا ايه
طبيعي برضو يعني اومال ايه هقضيها بهدوم السنه اللي فاتت
ميمي/ ومالها هدوم السنه اللي فاتت دا انت مدوبها علي اربع بنات
ــ طيب مخلاص خلص وقتها بئا نجيب جديد عشان نجيب جديد
ميمي / لاء حلوه نجيب جديد نجيب جديد دي يا كبير
ــ المهم بكره هنتقابل فين !!
ميمي / في الجامعه طبعا
بجد
ــ اه والله
انت هتهزر ياعم ما تخلص هنتقابل فين جوه
مممممممممممم تصدق مجتش في بالي دي ,, في ايه ياعم اما انزل هكلمك اشوفك انت فين واجيلك
طيب هتنزل الساعه كام
ــ يعني علي حسب
وحسب دي امتي ان شاء الله ده بكره يوم مفترج مش عايزيين نضيعه
لاء عيب نضيعه ايه ,, انا هصحي علي 9 وانزلك علي 10 اشطات
اشطات يا كبير
يلا عايز حاجه
لا سلامتك يا معلم
طيب بيس انت بئا
بقولك ايه صحيح
ها
ما تنساش النضاره بتاعتك عايزينها ضرب نار بكره يا معلم انت عارف البنات بيموتو في الكلام ده
النضاره انا مبيتها جنبي اهيه متقلقش هو انا اعرف امشي من غيرها دي الصناره يا ابني
طيب اشطه اوي كده بكره بئا علي موعاد اشطات
حركات
يلا سلام
ــــــــــــــــــــــــــــــــــــــــ
أول يوم في الجامعه
( يوم مفترج )
سمسم حبيبي
ميمي يا غالي
ازيك يا وحش
ازيك انت يا أسد ,, مستعد ؟
عييييييييب ,, مستعد ايه ياعم ده انا بستعد بقالي 3 شهور ما انت عارف ده اليوم بتاعنا
وانا واثق فيك طبعا يا غااااااااالي
قولي صحيح اخبار مسلسلات رمضان ايه معاك السنه دي
الحمد لله
ايييييه ما اتفرجتش علي حاجه
ما اتفرجتش ايه يا اهبل انا شوفت كل المسلسلات الحمد لله
الحمد لله كنت خايف ليفوتك مسلسل ما انت عارف الحجات دي بتنفعنا في حياتنا اوي
اومال يا صحبي اومال
بيقولولك 60 مسلسل كان بيتعرض انا ما شوفتش غير 13 بس و6 برامج ده غير البرامج الاساسيه زي القاهره اليوم و90 دقيقه الخ الخ الخ .. ومسلسل العميل 1001 كان شغال علي روتانا زمان كنت بتابعه برضو ,, انت بئا قضيتو ازاي
انا يا سيدي اتلغبط خالص والله
ازاي
كل ما اتفرج علي حاجه ويخرجو اعلان اقلب الاقي حاجه تانيه اسيبها تطلع اعلان اقلب وهكذا عشان كده الحمدلله تابعت كل حاجه
وايه بئا اللي علق معاك السنه دي ؟
ممممممممممممم اقولك يا سيدي .. عايزه اتجوز طبعاااااااااااا
طبعاااااااااااااااااااااااااااااااااااا
البت هند صبري يا اخي كرهتني في البنات
ليه ياعم دي موله برضو
لاء يا اخي مش كده هي اذا كان علي موله فهي سرير بحاله مش موله بس يا اخي قاعده تجري رايحه جايه رايحه جايه ومحدش معبرها هما كده فعلا ؟
مين اللي بيسأل السؤال ده !! ميمي ؟ مش عيب يا اخي ده احنا ايدنا في النار
ايوه يا اخي بس مش للدرجه دي
لا يا اخويا للدرجه دي واكتر
سيبك ,, المهم يا سيدي كنت بشوف زهره طبعااااااااااا
طبعااااااااااااااااا
انت كنت بتابعها برضو
متخلنيش ارد عليك رد وحش قدام الناس ,, اومال هتابع ايه لو مش هتابع زهره
كنت خايف لمتكنش بتابعه كان هيفوتك نص عمرك
لا متقلقش انا في الحجات دي سبااااااق
شوفت البت غاده عملت ايه
ايه !!
ايه ايه !! بقولك شوفتهاااااااااا
وحياتك يا ابني ما شوفت غيرها ده انا حتي لما كنت بتابع العميل 1001 علي روتانا مكنتش بتابعه الا عشان بنتها اسمها روتانا
بس البت بنتها دي حاجه مش طبيعيه
اقولك ايه واعيدلك ايه بس ,, كفايه كلام عن العيله دي انا مش مستحمل
شوفت بئا الجماعه
جماعة مين ؟
مسلسل الجماعه !!
ياعم وانا فاضي للكلام ده انا كنت بشوف أزمة سكر
ليه يا ابني ده مسلسل كان عالي اوي
ياعم انا مليش في السياسه هو انا ناقص
طب فقكك فقكك ما تييجي نشتغل بئا
انا شايف كده برضو
هنبدء منيين ؟
انا شايف اننا نقعد في الكافيتريا ونشوف
كافيتريا ايه يا عم تعالي الجونينه احسن
تعالي يا اخويا
ـــــــــــــــــــــــــــــــــــ
في الجونينه
( الست المثقفه )
ما تولعلنا سيجاره ياعم
معييش
يالهوي
ايه !!
معكش سجاير !!
اه والله مش معايا
اوعي تقولي عشان غليت ومعييش فلوس والحركات دي ده انت ابوك علي قلبه قد كده
اسم الله علي ابوك يا اخويا ,, انا اصلا نسيت اشتري
تصدق احسن برضو ,, احسن حاجه اننا نرسم من غير سجاير
هنرسم ايه !!
نظبط يعني ,, انت عارف برضو البنات في الاول متحبش تشوف الواد ماسك سيجاره
مش عارف ايه اللي بيضايقهم في حاجه زي كده ,, ما حياتنا واحنا حريين فيها ما البت بتبئا حطا نص كيلو مكياج علي وشها ده غير اللبس يعني ما يبئو يعدلو علي نفسهم
نعم يا روح ماما ,, انسي الكلام ده دلوقت واحنا يعني جايين نعمل ايه مش جايين نظبط المصنوعيين دول ولا ايه نظامك ,, وبعدين انت في الجامعه يا ابني انت مش فاهم ولا ايه
مش فاهم ايه ياعم ما احنا قاعديين في الكليه بقالنا كتير دي رابع سنه ولسه هنعيد تانيه كمان وكل ده من ايه يعني ,, فشل منا ؟
لاء طبعا ؟
طب ما تقول لنفسك
بص البت اللي قاعده تذاكر هناك دي !!
اه
ما تييجي نتكلم معاها كده
لا ياعم واحد فينا يروح لوحده لو نجح انه يدوس فيدوس ومكتوباله لو فشل التاني يحاول
اشطه عليك ايوه كده ,, المهم ما تضيعش منا البت شكلها كده في تانيه ولا حتي تالته نبقا نعمل فيها عبط ونخليها تذاكرلنا
طيب مين اللي هيروح فينا
لا متقلقش من الحته دي خالص !! انا طبعا
انت ازاي يعني هو انا قورطاس معاك ولا ايه
ايوه قرطاس .. انا اللي شايفها الاول
يعني ايه انت اللي شايفها الاول ؟ وانا مالي المهم اني معاك يعني معاك
والعمل
نلعب ملك وكتابه
طب هات اي عمله معاك
في بريزه اهيه
بريزه !!
اه
يا ابني الحجات دي انقرضت انت معاك الكلام ده منين
ياعم معايا في المحفظه وخلاص ها هتلعب ولا اروح انا
يلا ارمي .. انا ملك
لاء طبعا انت عارف ان انا اللي بحب اختار الملك
يالهوووووووووووووي ,, طب والنعمه منا لاعب غير ملك
مدام حلفت بالنعمه تبئا بتكدب انت ناسي اننا عشره ,, يلا انت كتابه وانا ملك
طب ارمي
......
هييييييييييييييييه كتابه كتابه
في ايه فرحان كده ليه ما احنا لسه هنلعب مره كمان
نعم يلا
هو كده مش عجبك انا معاك
طب ارمي يلا
ماشي بس انا اللي كتابه وانت ملك
لاء انا طبعا كتابه انا طول عمري كتابه
انا قولت انا الكتابه
طب والنعمه لانا ياعم
يبئا انا الكتابه ها هوبا
........
هييييييييييييييييه ملك ههههههههههههههههه بالسلامه ياعم يلا روح روح شوفلك حد تاني علي ما انا انجز
محظوظ طول عمرك مع ان الحظ انا اللي برميه ,, هقول ايه مهو قليل البخت يلاقي العضم في الكرشه
بس يلا بلا قرف ويلا من هنا ,, استناني علي ما احاول ونشوف مايتها ايه البت دي
والنبي يا اخي امانه عليك بس تبئا تعرفلي هي بتذاكر ايه في اول السنه كده
طبيعي يا ابني اومال انا رايح ليه
والله !! عليا برضو روح روح
طب والنعمه رايح اعرف هي بتذاكر ايه
هههههههههههههههههه متغور يلا
ــــــــــــــــــــــــــــــــ
محاوله رقم 1
تعمل ايه ياواد يا ميمي تعمل ايه ياواد يا ميمي
مممممممممممممممم
صح
لو سمحتي
أفندم
المنديل ده وقع منك
نعم
المنديل .. وقع
منا عارفه
طيب مفروض تشكوريني اني رجعتوه
اشكرك ايه ارمي البتاع ده
بتاع !! مش بتاعك ده ولا انا بتبلا عليكي
انا اللي رمياه
ورميتيه ليه بئا احب اعرف
رميته عشان خلص
ايووووووه .. خلص ايه بئا
انت جاي تهزر حضرتك ولا ايه
بالظبط كده حضرتك
طب لو سمحت اتفضل امشي انت والمنديل ده
فيه ايه يا بنتي التناكه دي ,, يعني انا جاي علي نفسي وشايلك المنديل وتردي تقوليلي كده
انت بتعلي صوتك ليه ؟ اتفضل امشي بدل ما اعلي صوتي انا واندهلك الامن
انا شايف كده برضو .. عن اذنك
وأدي المنديل هه
يا حيوااااااااااان .......
ـــــــــــــــــــــــــ
عاد بالهزيمه
ههههههههههههههههههههههههههههههههههههههههههه
في ايه انت كمان
هههههههههههههههه يا حيوان ههههههههههههههههههههه
ولا هضربك يلا
هههههههههههههههههه تضربني هههههههههههه مش متخيل منظرك كان عامل ازاي ههههههههههههه
مالو منظري يا اخويا عادي يعني ما انت عارف تناكة البنات
ههههههههههههههههههه مش للدرجه دي وبعدين فين التناكه في ده انت اللي داخل دخله غلط حد يدخل لبنت وماسك منديل هي لسه رمياه هههههههههههههههههههههههههههه
بطل ضحك ...... وانا اعمل ايه منا دي الفكره اللي جت علي بالي قولت انفذها
هههههههههههههه تنفذها ههههههههههه طب ولما فشلت تقوم ترمي المنديل عليها ههههههههههههههههههههههههه
عشان تتأدب
اقعد بئا يا ابني هنا واتعلم مني
وريني يا اخويا اديني هتفرج
ــــــــــــــــــــــــــــــ
محاوله رقم 2
اجمد يا سمسم اجمد
متشمتش فينا حد
متخليهوش يضحك علينا زي ماضحكنا عليه
طب اعمل ايه اعمل ايه
ممممممممممممممممممممممممممممممم
لو سمحتي
افندم !!
احم .. انا .. انا اسمي سمسم
ياراجل
اه والله العظيم .. وعندي 20 سنه و ....
قوم يا ابني انت هتقعد جنبي
لاء معلش اصلي اندمجت
لا اله الا الله
محمد رسول الله
اووووووووووووف
نعم
انت عايز ايه يا استاذ يعني
لاء اصل كنت بلعب ملك وكتابه ببريزه مع واحد صحبي هناك كده
وانا مالي بالموضوع ده
لاء اصل حضرتك انا لما رميت البريزه فوق كده .. منزلتش تاني علينا
هيهيهيهيهيهيهيهي اومال ايه اللي نزل يا فندم
ايوه منا جاي في الكلام اهوه
ياعمي لو سمحت سبني في حالي انا مش فاضيه
ايوووووووووووه مهو انا بئا نفسي اعرف انتي بتذاكري ايه دلوقت
انت جاي قاصد بئا مش جاي تدور ع البريزه بتاعتك
لاء انا جاي اشوف البريزه بس اكتشفت انها مبئتش تتصرف فقولت اسألك انتي بتعملي ايه
طولت انا في الحوار معاك صح
لاء خالص ازاي ده انتي زي السكر
مهو بالمقارنه بصاحبك انت خدت وقت اطول يلا يا ابني قوم امشي انا مش فاضيلكم في مليون بنت غيري اهيت سيبوني في حالي
وانتي فاكره ان احنا هنموت ونكلمك ولا ايه ؟ انتي مالك تنكه اوي كده ليه
تنكه تاني !! انا بئا هقوم انده لاي واحد من الامن ييجي يتصرف معاكم
خلاص ملكيش نصيب ,, ميييييمي حبيبي جاي اهوه
ايه العيال دي !!
ـــــــــــــــــــــــــــــــ
عاد بالهزيمه ايضا
هههههههههههههههههههههههههههههههههههههههههههههه
هيهيهيهي ليك حق يا اخويا
ههههههههههههههههههههه كل ده وفي الاخر ,,, زبلتك برضو
بس يا ابني شوفت قعدت جنبها قد ايه
هههههههههههههههههههههه اه شوفت
بس ع الاقل عرفتلك معلومه
ايه ايه ؟
انا عرفت اسم الكتاب اللي بتقرا فيه
بجد !! قول والله
والله
اسمه ايه ؟
100 عام من العزله لوليام شكسبير
طيب وهي كده تبئا في كلية ايه
مش عارف مش مكتوب عليه
يخربيتك لتكون ماده علينا واحنا اللي مش واخديين بالنا
لاء ياض انا افتكرت فاكر فيلم خارج عن القانون
طبعا
لما كريم عبدالعزيز كان بيتكلم مع البت عن الكتاب ده برضو
اااااااااااااه ,, قصه يعني ما تقول قصه
وانا ايش عرفني انا
بس يا معلم البت دي جت خلااااااااااااص
ازاي
احنا نخشلها من دور الكتب والكلام الفارغ ده
صح يخرب عقلك جبتها ازاي دي
بس اسكت انت بس في حاجه نقصه
ايه
الكتاب يا غبي ,, عايزيين كتاب
صح برضو ,, طب ايه العمل
تقب وتغطس وتجبلنا كتابيين وتييجي
اقب واغطس ايه ياعم واحنا في ترعه ,, وانا اجيب منيين
روح اي مكتبه يلا بسرعه
ياعم مكتبة ايه ,, عندي فكره
ايه
ايه رائيك اتصل بالواد حسين ,, الواد ده مثقف وعنده كُتب واهو ساكن قريب يعني هينزلنا كتب سريع سريع عشان نلحق المصلحه
يسلم في امك هو ده
كلمه بسرعه
....
....
........
ميمي
ايه
بيقولك عايزيين كتب رومانسيه ولا ثقافيه ولا عن ايه بالظبط
قوله لوليام شكسبير
..
بيقولك عايز ايه لشكسبير
قوله اي حاجه تكون مثيره للجدل
..
بيقولك والله ودماغك نضفت يا معفن
قوله ...
..
خلاص يا كبير هينزلنا كتابيين دلوقت تعالي نروح نجيبهم ونرجع ع السخان
اشطه يلا
ــــــــــــــــــــــــ
( حسين جاب الكتب )
شكلها هتلعب
حسين باللون البني
ايه يا عمو حسين
ايه يا اخويا منك ليه
ايه الكتب دي كلها يا ابني احنا قولنالك كتابيين بس
بس بس يا ميمي خلينا نتثقف بئا
تتثقفو هههههههههههه انتو أخركو تتصرفو مش تتثقفو
اه يا اخويا المهم ايه الكتب دي ها عرفنا
دي روايه لإحسان عبدالقدوس ,, ودي روايه لأنيس منصور ابن المنصوره اهوه بظبطكم ,, وده كتاب للاستاذ عمرو خالد عشان لو عايزيين سكه ملتزمه يعني
ياعم التزام ايه دلوقت انت كمان اخلص هات أي كتابيين من دول
خدو الروايتيين دول بجد جامديين اوي
جامديين ايه ياعم واحنا هنخطبهم ,, الحكايه كلها مشوار ع السخان وهنرجعهم
ايه ده ,, هي وصلت انكو ترسمو بكتب !!
اه وصلت يا اخويا واخلص عشان ما نرسمش بيك انت شخصيا
خدو ربنا يخدكو ,, واما تخلصو تعدوهم عليا عند هندسه ,, انا قاعد مع سعاد هناك
انا مش عارف يا اخي انت مصاحب واحده اسمها سعاد ازاي
ايه ياعم سمسم ,, هو انت ما شوفتهاش ولا ايه مش مهم الاسم
ايوه يا ميمي برضو بس الاسم حاجه مهمه برضو
ايه يا اختي انتي وهي ما تتلمو لإما والله منا مديكو حاجه
خلاص خلاص يا كبير هات وتشكر اوي هنخلص وهنعدي عليك
بيس انت بئا
ـــــــــــــــــــــــــــ
( الست المثقفه مش موجوده )
يا نهار اسود ,, هي راحت فيين
ده ده ده ده ده ده هي فين
يالهوي يا ميمي مفروض كنا نسيب حد هنا وحد يروح يجييب الكتب
تعالي ياعم نلف عليها
**
**
**
وبعدين ياعم ميمي بئا ,, احنا لفينا الجامعه كلها رجلي ورمت
ااااااااااااااااااه ياني ,, ضاعت البت ,, مع انها كانت دخله دماغي لزم
عليك العوض يا سمسم
عليه العوض ومنه العوض
يلا يا اخويا بئا نروح نشوف شغلنا في المدرج جوه
يلا يا اخويا
ـــــــــــــــــــــــــــــــــ
في المدرج
بقولك ايه يا ميمي
ايه يا اخويا
شوف البتيين اللي قاعديين هناك دول
مالهم
ما تييجي نكلمهم
نكلمهم ,, ههههههه انت اتعميت يلا
ايه ياعم مهو فيهم واحده حلوه اهيه
طيب والواحده الحلوه دي بئا هتكون من نصيب مين
من نصيبي انا طبعا انا اللي شايفهم الاول
بس يلا بئا وكبر انا زهقت من الحكايه دي انا البت اللي ضاعت مننا دي داخله دماغي اوي
ياعم كبر تكبر
هقولك ايه بس
ولا قوم نروح عشان انا اتخنقت
وانا كمان تعالي نروح
هتنزل بكره
أكيد يا معلم
اشطه يلا
اثبت اثبت ,, شايف اللي انا شايفه
يا نهار اسود
مين اللي مطلع البت دي هنا
( السلام عليكم ورحمة الله .... كل سنه وانتم طيبيين وسنه سعيده ان شاء الله مليانه بالتفائل والامل والنجاح قبل اي حاجه بنقول مبروك لكل اللي نجح السنه اللي فاتت ونواسي اللي مقدرش ينجح ونقوله شد حيلك ان شاء الله تنجح السنه دي وبلاش تضيع سنيين تاني من حياتك و ........
الاتنيين اللي واقفين دول ييجو هنا
يا نهاااااااااااار اسود
أحييييييه أحييييييييييه
انزل يا كابتن انت وهو هنا بسرعه
هنعمل ايه يا ميمي
انا ايش عرفني تعالي واسكت
ايه يا عمو حسين
ايه يا اخويا منك ليه
ايه الكتب دي كلها يا ابني احنا قولنالك كتابيين بس
بس بس يا ميمي خلينا نتثقف بئا
تتثقفو هههههههههههه انتو أخركو تتصرفو مش تتثقفو
اه يا اخويا المهم ايه الكتب دي ها عرفنا
دي روايه لإحسان عبدالقدوس ,, ودي روايه لأنيس منصور ابن المنصوره اهوه بظبطكم ,, وده كتاب للاستاذ عمرو خالد عشان لو عايزيين سكه ملتزمه يعني
ياعم التزام ايه دلوقت انت كمان اخلص هات أي كتابيين من دول
خدو الروايتيين دول بجد جامديين اوي
جامديين ايه ياعم واحنا هنخطبهم ,, الحكايه كلها مشوار ع السخان وهنرجعهم
ايه ده ,, هي وصلت انكو ترسمو بكتب !!
اه وصلت يا اخويا واخلص عشان ما نرسمش بيك انت شخصيا
خدو ربنا يخدكو ,, واما تخلصو تعدوهم عليا عند هندسه ,, انا قاعد مع سعاد هناك
انا مش عارف يا اخي انت مصاحب واحده اسمها سعاد ازاي
ايه ياعم سمسم ,, هو انت ما شوفتهاش ولا ايه مش مهم الاسم
ايوه يا ميمي برضو بس الاسم حاجه مهمه برضو
ايه يا اختي انتي وهي ما تتلمو لإما والله منا مديكو حاجه
خلاص خلاص يا كبير هات وتشكر اوي هنخلص وهنعدي عليك
بيس انت بئا
ـــــــــــــــــــــــــــ
( الست المثقفه مش موجوده )
يا نهار اسود ,, هي راحت فيين
ده ده ده ده ده ده هي فين
يالهوي يا ميمي مفروض كنا نسيب حد هنا وحد يروح يجييب الكتب
تعالي ياعم نلف عليها
**
**
**
وبعدين ياعم ميمي بئا ,, احنا لفينا الجامعه كلها رجلي ورمت
ااااااااااااااااااه ياني ,, ضاعت البت ,, مع انها كانت دخله دماغي لزم
عليك العوض يا سمسم
عليه العوض ومنه العوض
يلا يا اخويا بئا نروح نشوف شغلنا في المدرج جوه
يلا يا اخويا
ـــــــــــــــــــــــــــــــــ
في المدرج
بقولك ايه يا ميمي
ايه يا اخويا
شوف البتيين اللي قاعديين هناك دول
مالهم
ما تييجي نكلمهم
نكلمهم ,, ههههههه انت اتعميت يلا
ايه ياعم مهو فيهم واحده حلوه اهيه
طيب والواحده الحلوه دي بئا هتكون من نصيب مين
من نصيبي انا طبعا انا اللي شايفهم الاول
بس يلا بئا وكبر انا زهقت من الحكايه دي انا البت اللي ضاعت مننا دي داخله دماغي اوي
ياعم كبر تكبر
هقولك ايه بس
ولا قوم نروح عشان انا اتخنقت
وانا كمان تعالي نروح
هتنزل بكره
أكيد يا معلم
اشطه يلا
اثبت اثبت ,, شايف اللي انا شايفه
يا نهار اسود
مين اللي مطلع البت دي هنا
( السلام عليكم ورحمة الله .... كل سنه وانتم طيبيين وسنه سعيده ان شاء الله مليانه بالتفائل والامل والنجاح قبل اي حاجه بنقول مبروك لكل اللي نجح السنه اللي فاتت ونواسي اللي مقدرش ينجح ونقوله شد حيلك ان شاء الله تنجح السنه دي وبلاش تضيع سنيين تاني من حياتك و ........
الاتنيين اللي واقفين دول ييجو هنا
يا نهاااااااااااار اسود
أحييييييه أحييييييييييه
انزل يا كابتن انت وهو هنا بسرعه
هنعمل ايه يا ميمي
انا ايش عرفني تعالي واسكت
اهلا وسهلا بالطلبه المحترمه
اهلا بيكي يا أبله
اهلا يا فندم
ممكن نتعرف ؟
انا شايف ان احنا ندرس احسن
وانا زيه
احب اعرفكم بنفسي
دكتوره أماني محمد
معيده عليكم
يا حوستي يا ميمي احنا كده قعدنا السنه دي برضو
ياريتها هتييجي ع السنه دي بس
حد يعمل اللي احنا عملناه ده
نعاكس الدكتوره بتاعتنا
ايه الكتب اللي في ايدك دي يا كابتن
دي ,, دي ,, دي دي .. دي روايات لأنيس منصور ابن المنصوره
ممممممممممم وانت شايل ايه يا كابتن انت كمان
لا ده كتاب بتاع سمسم مش بتاعي خالص يعني
اومال انت مش معاك كتب خالص
اصل ,, النهارده اول يوم دراسه ومجبتش حاجه
المهم يكون معاك مناديل ,, فاهمني طبعا
عموما كل واحد يطلع بطاقتو ويحطها هنا ويتفضل يدخل يقعد مكانه
ـــــــــــــــــــــــــــــــ
اثناء المحاضره
سكوت يا جماعه ياريت نهدي علي ما الدكتور يدخل
ولا يا ميمي انا مرعوب
ومين سمعك دا انا حاسس ان احنا هنترفع
طب وهنعمل ايه
اسكت بئا لما نشوف هي هتعمل ايه
الدكتور دخل
صباح الخير يا جماعه
اخبار الدكتوره هدير ايه
الحمد لله تمام يا دكتور
ايه البطايق دي حد ضايقك هنا ؟
ولا يا سمسم استخبي استخبي
استخبي ايه خلاص احنا هنترفع هنترفع
لا يا دكتور ده اتنين بس كانو بيتكلمو فقولت اخد بطايقهم عشان اسكت المدرج
ــ طيب .. اصحاب البطايق دي ييجو هنا
هنعمل ايه يا زفت
متقومش زي ما انت واسكت
اصحاب البطايق يقومو يا جماعه
انا قايم يا ميمي واللي يحصل يحصل
انا يا كتور
ولا يا سمسم خد يخربيتك ( بصوت واطي )
تعالي
مين اللي كان معاك ؟
ــ قاعد ورا
ياريت تتفضل يا استاذ لو سمحت
حضر ميمي
ايوه يا دكتور
ــ ها كنتو بتتكلمو في ايه بئا
مفيش يا دكتور والله عادي
اومال الدكتوره واخده البطايق ليه !!
احنا أسفين يا دكتور
اسفين ليه بئا ؟ عملتو ايه عرفوني يمكن هي مطهضاكم ولا حاجه
لا لا لا يا دكتور ده دكتوره محترمه احنا اللي زباله والله
طيب عشان بس نبدء المحاضره انا هعديها المره دي وعشان لسه السنه جديده
شكرا يا دكتور
يلا كل واحد ياخد بطاقته ويقعد مكانه
ودخل ميمي و سمسم يقعدو مكانهم تاني وماشيين ووشهم في الارض من الكسوف والخوف
وخدو درس جامد اوي من الحركه دي
ان مينفعش تعاكس اي واحده
.
.
.
.
.
في الكليه
.
.
.
.
.
.
.
بالذات لو بتلبس نضاره
لان الاحتمال الاكبر
انها تطلع دكتوره
خلصت الحلقه
www.fb.com/semsomyat
www.abdosami.blogspot.com
www.fb.com/asb.abdo
