( في بيتنا مطرب )
الساعه الثامنة صباحا تليفون سمسم بيرن
سمسم / الو (نايم ع الاخر )
سومه / ايو يا حبيبي صباح الخير
سمسم / صباح الورد يا حبيبتي
سومه / ايه مش هننزل الجامعه النهارده ولا ايه
سمسم / هو النهارده ايه
سومه / الاربعاء
سمسم / لاء طبعا هننزل دا دا اليوم الوحيد اللي بندخل فيه الجامعه
سومه / خلاص ماشي انت هتروح امتي
سمسم / انا خلاص فوقت هقوم اخد دش والبس واتصل بميمي وانزل
سومه / ميمي تاني
سمسم / يا بنتي اومال اروح مع مين كبري بئا
سومه / ماشي يا سيدي وانا عموما ع الساعه 12 كدا بالكتير هكون هناك
سمسم / اوك خلاص اقابلك هناك في مكانا
سومه / اوك هبئا اتصل بيك وانا نازله
سمسم / ماشي
سومه / باي
سمسم / باي
قام سمسم ودخل الحمام وخد الدش بتاعه اللذيذ وخرج اتصل بميمي
ميمي / ايه يا سمسم اللي مصحيك دلوقت
سمسم / سومه اللي صحتني
ميمي / ليه يا عم القلق اللي ع الصبح ده
سمسم / يا ابني فوق النهارده الاربع مش هتنزل الجامعه
ميمي / ياعم منا كل يوم هناك يعني جت ع النهارده
سمسم / اديك قولتها اهوت يعني جت ع النهارده قوم بئا سومه مش هتييجي الا الساعه 12 وانا هقعد كل ده لوحدي
ميمي / يعني انا هاجي اسليك علي ما الست سومه توصل
سمسم / وايه الجديد يعني ماحنا ديما كدا قوم بئا
ميمي / طب انت فين
سمسم / لسه خارج من الحمام اهوه وهلبس واجيلك
ميمي / طيب اما تييجي بئا صحيني وانا اقوم البس انا كمان
سمسم / ياعم والنبي انت يومك بسنه قوم بئا وعلي ما اجي تكون جهزت
ميمي / خلاص ياعم يلا تيت
سمسم / سلام
ــــــــــــــــ
صباح جميل ليوم جميل متعود سمسم انه هو وسومه يقضو كل اليوم مع بعض في الجامعه ولبس سمسم ونازل راح لميمي خدو من البيت ونزلو وهما في سكتهم للجامعه حصل الحوار ده
سمسم / بس انت كنت فين يا عم امبارح قعدت اتصل بيك كتير وانت مردتش
ميمي / امتي كدا
سمسم / تقريبا العصر وكلمتك مره المغرب برضو مردتش
ميمي / منا قايلها متردش علي اي رقم يتصل بيها
سمسم / هي مين دي ؟
ميمي / سما
سمسم / سما مين يا كبير ؟ انت ليك اخت اسمها سما وانا معرفش
ميمي / لا يا خفيف دي بت عرفتها من ع النت من يومين وقابلتها امبارح واديتها موبايلي وخدت موبايلها عشان اتأكد انها مش مصاحبا جدعان
سمسم / ازاي يعني
ميمي / هو كدا بئا وخلاص
سمسم / مهي اكيد يا كبير هتشوف نمر البنات علي موبايلك
ميمي / يا عم لاء انا مسمي كل بنت عندي بأسم لاعب كره يعني عمرو زكي والتانيه متعب والتالته شيكا كدا يعني
سمسم / يا ابني الايه يا لعيب
ميمي / وحظرتها بئا انها ترد علي حد
سمسم / طب ورقمها يا كبير طلع عليه جدعان ولا ايه ؟
ميمي / الحقيقه لاء هو بيني وبينك مبطلش رن من اول ما خدته بس معلهوش ارقام جدعان
سمسم / ازاي طيب
…
رديت علي حد منهم ؟
ميمي / هو انا كنت بعمل حاجه امبارح غير اني ارد وبس
سمسم / وبعدين
ميمي / مش عارف يا اخي زي ما تكون مصر كلها امبارح كانت غلطانه في الرقم كل شويه واحد يتصل ارد عليه يقولي سيد اقوله لاء يقولي اسف واللي بعده حسين اقوله لاء يقولي اسف وهكذا ييجي 10 ارقام
سمسم / ههههههههههههههههههههه حمرا
ميمي / ياعم اكيد مش تباعها
سمسم / طب وهتقابلها امتي
ميمي / هكلمها دلوقت اخليها تييجي
سمسم / ماشي يا سيدي واهو بالمره نشوفها
ـــــــــــــ
دخل سمسم وميمي الجامعه وقعدو واتصل ميمي بسما عشان تييجي ويكلمها في الموضوع بئا وازاي كل الناس غلطانه في الرقم وكدا واتصل بيها وقالتله هي هتييجي دلوقت
وقاعد سمسم وميمي بئا في أمان الله وفجأه
ميمي / اهيه يا معلم
سمسم / اهيه ايه
ميمي / سما ياض
سمسم / يا بنت الجامده هي دي
ميمي / ايه رائيك اصلي اخر تلت حجات صح
ودخلت سما عليهم قطعت حوارهم وسمسم طبعا داخ لما شافها البنت جميله بشكل فظيع
سما / هاي ميمي
ميمي / هاي يا اختي تعالي سلمي الاول علي سمسم صحبي
سما / هاي سمسم
سمسم / هاي طبعا
ميمي / انت مش قولتيلي ان موبايلك معلهوش شباب خالص وانك متعرفيش اي شاب قبل كدا
سما / اه … يعني …. ليه
ميمي / اه … يعني … ليه والنبي ايه
سما / في ايه ؟
سمسم / الحكايه يا سما ان ميمي في شباب كلموه امبارح كتير وكانو عاوزينك انتي وزعلو لما عرفو انك بعتي الرقم
سما / نعم انا مبعتش ارقام ……… مين اللي كلمك وزعل يا ميمي
ميمي / سيد وحسين واشرف وهاني واسماعيل وخضير دا كان ناقص الاقي سمسم بيتصل
سمسم / ههههههههههههههه والله ممعايا رقمها يا ميمي
سما / انت بتزعق كدا ليه يعني في ايه هو انت خطيبي ولا جوزي
ميمي / انا يا ستي لا دا ولا دا فين موبايلي
سما / اصل ………….
ميمي / كملي يا عسل اصل ايه
سما / بصراحه ضاع مني
ميمي / نعم يا روح امك
سما / في ايه يعني انت لو كنت ضيعت موبايلي كنت هعمل ايه يعني ليك .. خد الشر وراح
ميمي / دانا اللي هخلي الشر ياخدك ويروح انتي مش عارفه انتي ضيعتي ايه اصلا
سمسم / انت اللي غلطان بتديها موبايلك ليه
سما / هو يعني اداني موبايله وانا اديته بوسه مهو واخد موبايلي وموبايلي احدث من موبايله كمان وبعدين انت ايه اللي دخلك انت
ميمي / انتي بتعلي صوتك كمان طب وحياة امي مانتي واخده موبايلك غير لما بتاعي يرجع
وخد ميمي نفسي ومشي وسما مش هتعرف تجيبه طبعا فقالت ايه اتصاحب علي سمسم عشان هو اللي يجبهولي
وقعدت سما جنب سمسم كدا ونزلت دمعه وفضلت تعيط
سمسم / لا لا لا يا سما متعيطيش محصلش حاجه هو ميمي كدا بيتعصب بس قلبه ابيض
سما / يا سمسم موبايله ضاع مني غصب عني والله وكنت هجيبله واحده احسن منه بس هو ميستهلش
سمسم / فعلا ميستهلش (وهو بيبصلها كدا وطبعا انتو فاهمين يقصد ايه)
وفضلت سما تعيط برضو وداست اوي في العياط وقامت مايله علي سمسم كدا وحطا دماغها علي كتفه
قعد يهديها وخلاص بئا ومفيش حاجه وعشان خطري وبتاع واذ فجأتنا
سومه / يا حنين
سمسم قام رامي سما من علي كتفه وبص لسومه كدا وقالها
أحيه
وقامت سومه ماشيه وسمسم فضل مكانه مش عارف يعمل ايه وزي ما يكون اتعود علي كدا
ونكمل الحلقه الجايه من جزء في بيتنا مطرب من حكايات سمسم وسومه
تابعونا علي الفيس بوك
ليست هناك تعليقات:
إرسال تعليق