الساعه الثانية عشر ظهرا
تررررررررررررررررن تررررررررررررررررررررررن
سمسم/ الو
سومه / ازيك يا حبيبي
سمسم / مين معايا
سومه / ايه يا ابني انت لسه نايم احنا بقينا الضهر
سمسم / اه والله لسه نايم صوت الموبايل اللي صحاني اصلي نسيت اعمله صامت .المهم مين معايا
سومه / يا نهار اسود ……… انت مش عارف صوتي
سمسم / لا لا ازاي معلش يا حبيبتي بس اصلي لسه صاحي ومهييس شويه
سومه / ومال التهييس بصوتي يا سمسم
سمسم / مش مهم المهم انتي عامله ايه
سومه / كله بونو
سمسم / ايه بئا اللي مصحيكي بدري اوي كدا النهارده
سومه / غصب عني والله اصل البيت صاحي كله وخلاتي وعماتي هنا عشان حنة اختي منه النهارده وفرحها بكرا ما انت عارف
سمسم / ايوا حاضر …. وانتي ازاي نمتي اصلا دا احنا فاصلين مع بعض الفجر … اكيد هما صحوكي من بدري
سومه /لا منا منمتش اصلا وقعدت اساعدهم في حجات كدالحد الضهر وقولت اتصل ارغي معاك شويه
سمسم / طيب نقفل دلوقتي عشان الحق انام شويه عشان هنخرج انا وميمي بليل عند اصحابنا ونسهر
سومه / اوك يا حبيبي وانا كمان هحاول انام بس مش هعرف من الدوشه
سمسم / يا ستي حاولي وخلاص …….. صحيح هتعرفي تخرجي معانا بليل ؟
سومه /اكيد لاء يا سمسم نتقابل بكرا كلنا في الفرح طبعا …. ومتنساش تعزم الشله كلها
سمسم / اوك يا حبيبتي مش هنسا
سومه / يلا تصبح علي خير
سمسم / وانتي من اهله .
تيت تيت تيت تيت تيت تيت تيت تيت تيت
وقفل سمسم السكه وراح نام وفجأه لقا مامته بتنده عليه تاني (يووووووووه ع البواخه) )
ماما / سمسم سمسم سمسم ســــــــــــمســـــــــــم
سمسم/ ايه يا ماما هو الواحد ميعرفش ينام شويه في البيت دا
ماما / قوم يا حبيبي ميمي قاعد مستنيك برا عايزك
سمسم / ميمي مين ؟
ماما / صحبك يا ابني !
سمسم / قوليلو مااااااااات وسبيني انام
ماما / عيب كدا لما صحبك يجيلك بيتك وتقولي امشيه .. هو بيعمل معاك كدا اما بتروحلو ؟
سمسم / واكتر كمان يا ماما دا واد واطي اصلا …….. المهم دخليه وخلصيني
ماما / حاضر
خرجت ودخل ميمي زي عوايده بزعبيبو المعتاده وطبعا سمسم نايم اصلا ومش فايقله .
ميمي / ايه يا مان انت لسه نايم الساعه بقت 4
سمسم / اسكت يلا .. روح افتح الكمبيوتر واقعد عليه او اقعد اشربلك سيجارتين علي ما اناملي شويه .
ميمي / يا مان قوم انا عندي ليك مفجأه قوم بس
سمسم / والنبي يا ميمي بلاش مفجأتك اللي بتشائم من امها دي …… سبني انام شويه يا شيخ حرام عليك
ميمي / ههههههههههههه شيخ … مقبوله منك ياعم
قوم بئا
قوم بئا
سمسم / خلاص يا زفت صحيت
وراح ميمي فتح الكمبيوتر وقعد عليه وسمسم دخل الحمام يغسل وشه ورجع يقعد جنب ميمي ع الكمبيوتر ……
سمسم / مين البت الجامده اللي بتكلمها دي يلا يا ميمي
ميمي / دي واحده جديده هنقابلها النهارده !!!!
سمسم / لا يا حبيبي انا خلاص حرمت انت مش فاكر المره اللي فاتت خلتنا نروح نقابل بنتيين وطلعو منقابين وعايزين يهدونا
ميمي / ههههههههههههه متفكرنيش ياعم … سيبك انت انت مش شايف صورتها يا اهبل دي اكيد رقاصه .
سمسم / ههههههههههههه ياابني انت عارف اني بحب ومش بتاع الكلام دا
ميمي / ياعم وهو انا اللي بتاع الكلام دا .. استني بس هقولها تجيب صحبتها معاها .
سمسم / اعمل اللي تعملو المهم انا مش جاي معاك ياميمي في حته .
وقام سمسم خرج في البلكونه يشرب سيجاره وقاعد يتفرج ع الناس في الشارع وميمي جوا قاعد طبعا بيكلم المزه الجديده ( حلاوتها)
المهم قام ميمي نده لسمسم واقنعه انه يخرج معاه ولبسه الهدوم كمان بالعافيه مع ان سمسم معترض جدا بس ميمي اما يعوز حاجه بيعملها
فجأه اتصلت سومه بسمسم …
تررررررررررن تررررررررررررررررن
سمسم / ايوا يا حبيبتي
سومه / سمسم انا خارجه يلا تعالي معايا
سمسم / راحه فيييييييين ؟ (عايز يخلص من ميمي) )
سومه / نازله المول اللي عندكو دا اشتري حجات
ميمي عرف ان سومه عاوزه تاخد سمسم برا وان سمسم هيخرج معاها فدخل في الحوار وهدد ميمي هيعرف ميمي بحوار البنتين اللي قابلوهم من اسبوعين وهيبوظ الدنيا
خاف سمسم منه في الحركه دي ) ميمي ميرجعش في كلمته ابدا مدام قال للبت ان سمسم جاي يعني جاي )
سمسم / معلش يا حبيبتي انا مش قادر اخرج .. اشوفك بكرا في الفرح احسن .
سومه / اوك خلاص ….. انت مش هتخرج النهارده ؟
سمسم / هه …… لالا مش هخرج النهارده خالص
سومه / اوك باي عشان انا سايقه
سمسم / باي
ميمي اخد سمسم وخرجو عشان يقابلو البنات (وهما في العربيه بئا )
سمسم / احنا هنقابلهم فين يا ميمي
ميمي / مفاجأه يا سمسم مكان قريب اوي من هنا
سمسم /فين يعني
ميمي / خلاص وصلنا ……….. انزل ياعم
نزل سمسم وميمي ودخلو المول اللي هيقابلو فيه المزز واللي نسي سمسم ان دا المول اللي سومه لسه قايلالو حالا انها نازله دلوقتي .
ودخل سمسم وميمي وشافو البنات وسلمو عليهم وقاعدين معاهم
ميمي / ايه رائيك يا صحبي اصلي اصلي
سمسم / سكوووووووووووووووووت (افتكر مكالمة سومه دلوقتي حالا وانها ممكن تكون جنبه في اي وقت )
ميمي / ايه يا ابني ساكت ليه
سمسم / يلا يا ميمي من هنا حالا
ميمي / ليه يا ابني انت مش شايف حد يسيب الجنه برضو
سمسم / انت مش فاهم حاجه يلا بسرعه وسيب الزفت دول
ميمي / زفت مين يلا تعالو ورانا يا بنات
ومسك ميمي ايد البت اللي كان بيكلمها ووقف سمسم مع البت التانيه وخلاها تقنعه انه يقعد معاهم
وافق سمسم بس بشرط انهم يقعدو في حته تانيه غير المول
وافقو وقالو يلا نخرج نمشي من هنا
وهما خارجين ماشيين وطبعا سمسم مش علي بعضه والبت ماسكه ايده ومهوش قادر يقولها سيبي ايدي (ماهي مش عارفه اللي فيها )
وفي لحظه سكووووون وقف العالم كله في اللحظه دي
الكاميرات تصوير بطئ والصوت جاي بشكل بطئ جدا
صوت ورا ضهره بيقول ……………….. سمسم
التفت سمسم وراه ورما ايد البت اللي ماسكها حس ان الصوت دا انه يعرفه
في لحظه غريبه وعجيبه
سمسم / سومه (يا نهااااااااااااااااااااار اسووووووووووود)
ميمي / يالهووووووووووووووووووووي (في سره طبعا)
الحلقه التانيه من الجزء الاول
…………………………………
طبعا خلص اليوم الاول علي صوت سومه وهي بتنده علي سمسم وهي شيفاه ماشي وماسك بنت في ايده وطبعا الموقف دا خلا سومه منهاره والحجات اللي كانت شايلاها وقعت منها ع الارض والدمعه استخبت ورا جفونها وجالها حاله من السكوت والزهول …
سمسم / سومه انا ………. (مش عارف يقول ايييييييييييييه)
مسك ايدها وقام حضنها وهي مصدومه من الموقف ومش بتحرك حتي ايدها وفي لحظه وحده …اتنفضت سومه وزقت سمسم بعيد وخرجت برا جري وسمسم جري وراها .
ميمي / يا سومه نسيتي حجاتك ………… يا سمسم
تعالو يا بنات شيلو معايا .
تعالو يا بنات شيلو معايا .
بنت منهم / نعم يا استاذ واحنا جايين نشيلك حجات ولا ايه .
ميمي / لا يا بنتي والله بس انتي شوفتي الظروف .
البنت التانيه / انا عن نفسي مش شايله حاجه يلا يا بنتي (محروقه اصلها هي اللي كانت ماسكه ايد سمسم)
ميمي / امشو ده انتو عالم نحس الله يحرقكو ده انتو في جهنم بعون الله
والبنات مشيو وميمي لم الحجات وشالهم وخرج يجري ورا سمسم يلحقه او سومه عشان يديها الحجات اللي سبتها دي .
سمسم خرج ولحق سومه قبل ما تركب عربيتها ووقف يكلمها ….
سمسم / سومه انا اسف اديني فرصه اشرحلك .
سومه / لو سمحت ما تلمسنيش .
سمسم / حاضر بس ارجوكي افهميني دول اصحاب ميمي وانا مكنتش اعرف انه هيقابلهم ( قطعت كلامه)
سومه / انا مش عايزه اعرف حاجه ……….. سبني
سمسم / انا مش هسيبك انا بحبك
وقام سمسم حاضن سومه .
طبعا الحج ميمي واقف يتفرج ع الموقف من بعيد وخايف يدخل في الموضوع .
ولحسن حظ الحج سمسم ميمي مكنشي بيتفرج ع المشهد لوحده كان واقف كمان بوكس افرنجي وظابط
الظابط / الله الله …….. ايه يا كتكوت ما تخشو ترياحلكو ساعتين جوا بالمره .
سمسم / لو سمحت يا باشا دي خطيبتي وليا الحق اني امسك ايدها واحضنها .
الظابط / الحق دا عند امك هناك يلا مش هنا في الشارع .وع العموم متزعلش نفسك كدا يا سيدي
دا خطيبك يا بنتي ؟
سومه / يا باشا بيلف ورايا طول النهار ومش راضي يسبني لحد ما عيطت منه عشان يسبني وقاعد يرخم عليا .
مره واحده الحج سمسم لقا نفسه قاعد في البوكس وسومه اخدت العربيه ومشيت والبوكس طلع بسمسم .
ميمي مش عارف يعمل ايه يروح ورا صاحبه ولا يروح يدي الحجات لسومه
قرر انه يروح ورا صاحبه (صاحب صاحبه اوي اوي)
وهو في الطريق بئا بيكلم نفسه
ميمي / مزيج من الهمهمات والاغاني (مندمج اوي)
انا ايه اللي عملته في صاحبي دا …. دانا ضيعته
بس وانا مالي ما هو اللي حظه دكر اعمله ايه يعني ؟
طب انا ادخل القسم ازاي دلوقت انا مش معايا بطاقه اصلا (يانهار اسود طب والعمل) )
بسرعه اتصل ميمي علي ابو سمسم وقاله ان ابنه ممسوك في قضية اداب (سخنها اكتر ) وهو في القسم دلوقتي وقاله انا فاعل خير (كان بيتكلم من ميناتيل)
ابو سمسم طبعا جاله زهول من الخبر ولبس بسرعه ونزل يشوف ابنه حصله ايه وراح ع القسم عشان يطلع ابنه ……….. واول ما دخل …
طرااااااااااااااااااااااااااااااااااااااااخ (طبعا عارفين الصوت دا جاي من قفا مين)
سمسم / الحقني يا بابا هيموتوني
بابا / متخفش يا سمسم ……..انت ازاي يا حضرت الظابط تدي نفسك الحق انك تمد ايدك علي ابني
الظابط / ابنك فالنتينو ماشيلي ورا بنت طول النهار وفي اخر الليل امسكه في الميدان قدام العالم كله وهو حاضنها ……. دا فعل فضح في الطريق العام يا ريس
طااااااااااااااااااااااااااااااااااااااااخ (المره دي من ابو سمسم بيمسي علي ابنه)
بابا / يا ابن الكلب ايه اللي انت عملته ده
سمسم / يا بابا والله دي سومه
بابا / سومه…….. ياراجل …. طب ماهي محلوله اهيت (بيستهبل عايز يروح بالواد)
بابا / ليه كدا يا حضرت الظابط انت اكيد فهمت غلط .
الظابط / فهمني يا سيدي
بابا / اسمع يا سيدي سومه دي تبئا ……….تبئا ………. تبئا …….
الظابط / هااااااااااااااا
بميل ابو سمسم عليه دا وقاله مين سومه دي يلا
رد سمسم بصوت عالي …….. حبيبتي يا بابا
بابا / طب يا سيادة الظابط اتنين بيحبو بعض وكانت زعلانه منه فبيصالحها
الظابط / يصالحها يقوم ……………………( كلام كتر مش عايزين نسمعه)
المهم عدي اليوم علي خير وروح سمسم مع ابوه اللي عمل البدع عشان يخرجه وبالفعل نجح في كدا بعد الاستعانه بمحامي كبير صديقه
ونام سمسم يوم كئيب مشافوش في حياته
وتاني يوم الساعه 12 الضهر لقا تليفونه بيرن .
تررررررررررررررن ترررررررررررررررررن
سمسم / الو
ميمي / حبيبي ايه رائيك بعتلك ابوك خرجك …… صاحب صحبي انا ولا لاء ههههههههههههههه
تيت تيت تيت تيت (قفل سمسم السكه في وشه)
نام سمسم تاني والساعه 4 بالظبط جت ماماته تصحيه
ماما / سمسم ……… سمسم ……… سمسم
سمسم / ايه يا ماما
ماما / قوم واحد صحبك عايزك برا
سمسم /لو كان ميمي مشيه عشان ما اقومش اولع فيه قدامك دلوقتي
دخل ميمي وهو سعيد اوي
ميمي / كدا يا صاحبي عيب عيك ياعم داحنا اخوات
سيبينا دلوقتي بس يا طنط معلش واعمليلنا كوبايتين شاي عشان نفوق هههههههه
ماما / حاضر يا حبيبي
سمسم / لو خرجتي وسبتهولي هقوم اولع فيه .
ميمي / اخرجي يا طنط انا عندي اخبار تفرحه متقلقيش مش هيولع فيا دلوقتي هههههههههه (اتكسف الواد يا عيني بس هو اصلا مش وش كسوف)
خرجت مامات سمسم واول ما قفلت الباب قام سمسم ماسك المنبه اللي جنبه وخابط بيه ميمي بس ميمي كان واخد باله ووسع فجا في الحيطه
ميمي / ايه دا يا سيمو انت عايز تموتني هههههههههههههه
سمسم / متضحكش بتنرفزني بضحكتك دي يا لا انت (مفروس اووووووووي منه)
ميمي / عموما انا جاي اصلح اللي عملته امبارح
سمسم / تصلح ايه يا اخويا مخلاص سومه وضاعت مني… وانا بقيت سوابق
ميمي /اسمع كلامي بس ولو لاخر مره …… انت مش بتقول ان فرح اختها النهارده .
سمسم / عايزني اوديك هناك عشان تخربه … وبعدين اخلص النهارده اه
ميمي / يبئا خلاص يا معلم محلوله انا هروح اجيب البرنس ونلبس ونييجي تكون انت لبست ونروح نهجم عليها في الفرح هههههههههههههههه
سمسم / يالهوي انت اللي هتصلحه وكمان هتجيب البرنس لا ياعم يفتح الله
كلمه من هنا علي كله من هنا ميمي اقنعه زي عادته انهم يروحو وقام يلبس وراح ميمي يجيب البرنس .
ملحوظه صغيره (البرنس دا دمااااااااااااااااااااغ)
دي كلمة السر يعني مش هنقول اكتر من كده
دي كلمة السر يعني مش هنقول اكتر من كده
اتصل ميمي علي سمسم من تحت
ميمي/ ايه يا معلم لبست ولا لسه
سمسم / اه خلاص انت فين ؟
ميمي / انا مستنيك تحت اهوت انا والبرنس
سمسم/ اوك انا نازل اهوت ع السلم
نزل سمسم وقابل البرنس وميمي
البرنس / بالصلاة ع النبي كدا العمليه دي هتدوني فيها كام من الاول كدا
سمسم / نعم يا اخويااااااااا
ميمي / اهدا يا سمسم ……… ايه يا برنس وانت فاكرنا زباين عندك …. عملية ايه بس
البرنس / اومال عايزني في ايه
ميمي /رايحين نصالح سمسم علي سومه حبيبته
البرنس / مدام فيها عمل خير يبئا من غير فلوس واجي معاكو (انسان تقي اوي)
سمسم / تسلم يا برنس
البرنس / اشطه يا سمسم ……. بس هو الفرح دا فيه رقاصه ؟
ميمي / ههههههههههههههههههههههههه اكيد لا يا برنس اومال احنا جايبينك ليه
سمسم / ميمي / البرنس / ههههههههههههههههههههههههههههههههه
البرنس / كدا يبئا ميت فل وعشرا
يلا بينا
يلا بينا
الحلقه الثالثه
البرنس / ايه يا ابني انت وهو هو الفرح بعيد اوي كدا ؟
ميمي / يا برنس خلاص هنوصل اهوت اصلهم عاملينو ف حته قريبه من بيت العريس
البرنس / ماشي يا سيدي اما نوصل صحوني بئا
خمس دقايق كدا ووقف ميمي بالعربيه قدام القاعه اللي فيها الفرح …….
ميمي / يلا يا جماعه ……. يلا يا برنس
سمسم / يا برنس اصحي يلا وصلنا
البرنس / ماشي ماشي .
نزلو التلاته ودخلو القاعه اللي فيها الفرح .
البرنس / ايه دا يا له انت هو ………..
ميمي /سمسم/ ايه يا برنس
البرنس / شايفين النضافه دا السيراميك بيلمع يا جداعان ..
سمسم خد ميمي علي جنب كدا وقاله شفت اهو ابتدا اهوت ….. انا مش متفائل باليوم
ميمي / ياعم متحطش في دماغك انا جايبو بس عشان لو هنضرب ولا حاجه يساعدنا او ينضرب بدالنا هههههههههههههه
سمسم / نعم يا اخويا مش ناقصه مشاكل انا مش ناقص .
ميمي / بهزر يامعلم متشلش هم انت بس …. انا قولتلك هظبطك يعني هظبطك
دخلو التلاته وقعدو علي طرابيزه والاغاني شغاله والمعازيم قاعدين مستنيين العريس والعروسه
طبعا شغلو اسماء الله الحسني في الاول كالعاده في اي فرح
سمسم /انا مش عارف الافراح دي مليانه اغاني و لازم يحطو اسماء الله الحسني في الاول هما يعني هيقرو قراءن
البرنس / اه والله يا سمسم عندك حق المفروض يشغلولنا نانسي ولا هيفا بئا عايزين نسخن علي ما العروسه تييجي
ميمي / تسخن ايه يا برنس انت ناوي تعمل ايه بالظبط ؟ ههههههههههههه
سمسم / ههههههههههههههه
البرنس / هتقعدو تضحكو كدا كتير …انا عايز أكل
ميمي / يا برنس بعد الفرح اما نصالح سمسم علي سومه ان شاء الله هخدك أاكلك أكله جامده جدا
البرنس / ماشي …. بس هي فين سومه دي ؟
سمسم / اكيد مع العروسه يا سمسم اصلهم اخوات
البرنس / يا راجل
ميمي / يا راجل ايه بس اومال احنا جايين هنا علي اساس انها رقاصه يعني ههههههههههه
سمسم / مش وقت تريقه والنبي يا جدعان الواحد مش ناقص
البرنس / از يو لايك
دخل العروسين وقعدو في الكوشه وسومه واقفه جنب اختها ولما مشيت وراحت وقفت بعيد شويه
سمسم كان عايز يروحلها بس ميمي قاله لاء انا والبرنس اللي هنكلمها الاول وبعدين انت تدخل
راح ميمي والبرنس لسومه وهي واقفه لوحدها يكلموها
ميمي / ازيك يا سومه
سومه / نعم
البرنس / نعم الله عليكي يا عسل (بيعاكس بسلامته)
ميمي / بس يلا انت روح اقعد مع سمسم علي ما اجيلكم
البرنس / حاضر …بالاذن يا قمر (لسه بيعاكس)
سومه / ايه اللي جابكم
ميمي / سومه والله انا عايز اقولك ان سمسم ملوش دعوه بالموضوع اللي انتي شفتيه عليه امبارح
سومه / والله …. طب كويس
ميمي / بلاش تريقه بجد …… الموضوع دا كان يخصني انا والبرنس وسمسم كان جاي يوصلني ولما روحنا وملقناش البرنس هناك قعد معايا علي ما البرنس ييجي
سومه / ميهمنيش اعرف علي فكره
ميمي / لا يهمك لانك بتحبه وهو بيموت فيكي سمحيه والنبي يا سومه الواد منمش من امبارح .الواد مقضي الليل كله ع البورش ويدوبك جايلك علي هنا عشان يصلحك
سومه / روح خد اصحابك وامشو من هنا عشان مش هيحصل كويس لو ممشتوش
ميمي / طب اديلو فرصه بس يكلمك يا شيخه وعزة جلال الله الواد بيموت ….. وملوش دعوه بالموضوع وربنا
سومه / انا مش هكلم حد يا استاذ ولو سمحت سبني عشا شكلي بئا وحش في الفرح
ميمي / عموما انا اللي غلطان لاني انا اللي وصلت صحبي للي هو فيه دلوقت وانا مش هسامح نفسي لو انتي مسمحتهوش .سلام
ميمي رمالها الكلمتين صح وطبعا هي هتموت لانها عارفه ان سمسم ملوش دعوه بالموضوع بس معقول هتكدب عنيها وتصدق قلبها
رجع ميمي لسمسم وهو مبتسم كدا وفرحان ….
ميمي / ابسط ياعم ظبطهالك خلاص روح كلمها
سمسم / بجد يا ميمي ……. انا مش مصدق نفسي …. انت قولتلها ايه ؟
البرنس / ياعم انت قالك روح كلمها يبئا روح كلمها ولا اروح بدالك ؟
سمسم / لا لا انا هروح
مشي سمسم رايح لسومه ولما شافته بيقرب منها خرجت بسرعه برا القاعه بتاع الفرح بتهرب منه مش عايزه تكلمه
خرج سمسم وراها وكل ما تروح حته ماشي وراها وينده عليها ….. لحد ما وقفت في مكان بعيد عن الفرح بشويه
سمسم / انتي بتهربي مني ليه …….. ميمي قالي انك سمحتيني
سومه / ميمي دا انسان كداب … انا مسمحتش حد واللي انت عملته دا نهي كل اللي كان بينا
سمسم / ربنا بيسامح ….. انتي مش هتسمحي (ونزلت دموع سمسم ولاول مره قدام سومه)
بكت سومه هي كمان …….
سمسم / انا بحبك يا سومه والله العظيم بحبك
سومه / طيب خلاص متعيطش … انا اول مره اشوف دموعك …
سمسم / مش هبطل الا اما تسامحيني بجد والا وربنا هرومي نفسي تحت اي عربيه قدامك هنا هوت
سومه / خلاص يا سمسم بس انا مش قادره اتصور انك بتخني واحنا لسه في الاول اومال لما نتجوز هتعمل ايه
سمسم / هعيشلك انتي وبس وللراحتك وسعادتك وانا والله مخنتك وربنا دا ميمي السبب
سومه / انا مسمحاك بس بشرط
سمسم / ايه هو (ملهوف اووووووووي)
سومه / لا انده ميمي عشان يعرفه هو كمان
راح سسم بسرعه جدا جاب ميمي وطبعا البرنس جا معاهم
ميمي / ايه ا جماعه اتصالحتو خلاص
البرنس / ايوه ياعم …. انت مش شايف سيبنا في الفرح وقاعدين هنا لوحدهم اهووت
سمسم / بس يا ابني ……. اتكلمي يا سومه
سومه / شرطي الوحيد عشان اسامحك هو انك تسيب اصحابك دول ومتعرفهمش تاني
الكلام نزل كالصاعقه علي ميمي والبرنس وسمسم م معقول بنت هي اللي هتخليهم يسيبو بعض
بالذات ميمي ……..
ميمي / لو كان دا اللي هيخليكي تسامحي صاحبنا ……… احنا ماشيين
البرنس / وانا كمان ……انا ايه اللي جابني اصلا … انا كنت نايم
سمسم طبعا واقف مش قادر يتكلم مهو قدامو حل من الاتنين يا يخسر اصحابو يا سومه
ميمي/ يلا يا برنس ….بس يا سومه احنا هنمشي بس عشان سعاده صاحبنا ….وحتى لو هو عايزنا نمشي مش هنزعل منه ودا الفرق بين الحب والصداقه
سمسم / استني يا ميمي ….. متمشوش …. سومه انا بحبك اه ومقدرش اعيش من غيرك اه …… بس كل دا بعيد عن اصحابي لان من غيرهم انا مكنتش هقف قدامك دلوقتي … وفعلا لو انتي مش عارفه الفرقه بين الحب والصدقاه تبئا مشكلتك .. مش معني اني جرحتك بسبب صاحب ليا يبئا صاحبي ده داهيه وهيدمرني .. لولا الناس دي زي ما قولتلك مكنتش هعرف اصالحك تاني … انا ماشي
اتنهدت سومه تنهيده كده
( حلو الكلام )
وقالت
.
.
سومه / بصو يا جماعه انا عملت كل دا عشان اشوف سمسم بيبيع الناس القريبه منه ولا لاء
علي فكره لو كان سبكم تمشو انا كنت هخليه يحصلكم ومكنتش هعرفه تاني
انما دلوقتي انا مسمحاه من قلبي وبقولكم ربنا يخليكم لبعض
ميمي / بجد يا سومه ……. الله عليكي تسلميلنا يا عسل .
البرنس / ااااااااااه عسل فعلا .
سمسم / بس يلا … سومه حصلينا ع الفرح عشان ههديكي حاجه هناك
مشيو التلاته ع الفرح وسومه وراهم
واول ما دخلت سومه ………
لقت سمسم ماسك المايك بتاع الدي جي وبيتكلم
سمسم / يا جماعه الاغنيه دي اهداء مني لحبيبتي اللي هي موجوده هنا وبقولها ربنا يخليكي ليا يا احن قلب في الدنيا .
وشغل الدي جي الاغنيه المفضله لسمسم وسومه
محمد رحيم
اجمل ما شافت عين
ــــــ ـــــ ـــــ ـــــ ـــــ ـــــ ـــــ
بحس وهي بتكلمني
..
عيونها الحلوه جايه تقولي
قرب شوف يا حبيبي ازاي
..
خلصت كل الجمال
دي اجمل ما شافت عين
& دا جمال مقسوم نصيين
نص اقدر اوصفه
& والتاني فوق الخيال
حبيبي
* حبيبي * حبيبــــــي & عارف * حبيبي* انا ليه مشغول * حالي مبيرحمنييش * حبيبي& فاكرك علي طول * علي طول علي طول علي طول علي طول علي طوووووووووووووووووول .
يالهوي حبيبي لما اتقالت
& ياريت تقوليها تاني وتالت
اول مره دي بسمع اسمي انا حلو بالشكل ده
والله عليه اللـــــــــــــــه
& زي القمر في سماااااااه
كسفت نجوم الليل
& واداري منها الجمال
مهي اجمل ما شافت عين
& دا جمال مقسوم نصيين
نص اقدر اوصفه
& والتاني فوق الخيال
حبيبي
* حبيبي * حبيبــــــي & عارف * حبيبي* انا ليه مشغول * حالي مبيرحمنييش * حبيبي& فاكرك علي طول * علي طول علي طول علي طول علي طول علي طوووووووووووووووووول .
ــــــــــــــــــــــــ ــــــــــــــــــــــ ـــــــــــــــــــــــــ
تحياتي وامنياتي ان تنول اعجابكم
المؤلف
&
عبدالرحمن سامي
ليست هناك تعليقات:
إرسال تعليق