الجزء الرابع والاخير من حلقة
في بيتنا مطرب
لقراءة أجزء الحلقه كامله
اتبع هذه الروابط
.
طلع سمسم وابو كنزي مع ابو سومه علي الشقه فوق مجبريين
ابوها / انت جاي تعمل ايه ياض انت وهو هنا
ابو كنزي / نزل ايدك انت مش عارف انت بتكلم مين ؟
ابو سومه راح خبطو حتت دين قلم علي وشه
ابوها / بكلم مين !!
ابو كنزي / معاك ابو كنزي متعهد افراح وليالي سوده بعيد عنك ( وراح معيط )
سمسم / يا عمي والله في سوء تفاهم
ابوها / اهو انا بئا اللي هخلي في سوء تفاهم
دخلت سومه في الحوار بئا
سومه / خلاص يا بابا سيبهم يمشو وهما مش هييجو هنا تاني
سمسم / اه والله يا عم الحج عليا النعمه منا معتب الشارع ده تاني بس سبني اروح ابوس ايدك
ابو كنزي / تبوس ايده مين منا كنت هبوس ايدكم عشان تسيبوني في الفرح الله يخرب بيتكم زي ما خربتم بيتي
ابوها / ورحمة الغاليه ما انتو مروحيين غير من القسم النهارده
سمسم / يا عم الحج والمصحف في سوء تفاهم نروح بس وبكره نييجي نكمل حوارنا
ابوها / تروحو ... هــئــو ....... مفيش مرواح
ابو كنزي / بدون قطع كلامك يا معلم ..... مين الغاليه اللي بتحلف بيها دي ؟
راح خبطو قلم تاني علي وشه
ابوها / انت ليك عين تسأل كمان ياض
ابو كنزي / اضرب يا معلم اضرب معاك حق عليا النعمه انت علي حق
سمسم / يا ابني اخرس انت .. يا عمي لو سمحت سبني نمشي احنا كنا بنغني للشقه اللي فوقكم علي طول مش انتم
ابوها / الشقه اللي فوقنا مفيهاش سكان
سمسم / يبئا اللي تحتكم
ابوها / اللي تحتنا راجل عاذب لوحده
ابو كنزي / يعني مفيش مفر اضرب يا حج اضرب هي ليله سوده من اولها
سومه / يا بابا ابوس ايدك خلاص سيبهم
ابوها / خشي جوه يا بت ومتخرجيش
سومه / يا بابا معلش عشان خطري انا افتكرتهم جايين ليا بس انا ما اعرفهومش
ابو كنزي / انتي بتسخنيه علينا ... متخشي يا بت انتي جوه
راح سمسم خبطه قلم علي وشه
سمسم / انت بتشخط في مين ياض انت
ابو كنزي / ... ( لفظ غير لائق ) .... انتو كلكم عليا ( وراح معيط )
وبعد مرور ساعه كامله
سمسم / يا باشا احنا هنا بقالنا ساعه وعايزيين نروح عشان اهلنا ميقلقوش علينا
ابوها / ايووووووووووووه اهلكم انا بئا عايز اهلكم
ابو كنزي / انا ابويا ميت وامي متجوزه وقاعده مع عريسها
ابوها / يبئا مش هتروح
ابو كنزي / الله يسامحك يا ابا
ابوها / وماله ابوك دلوقت
ابو كنزي / مهو مات لو كان عايش كنت خليته ييجي يخرجني
سمسم / يا استاذ حرام بجد سبنا نمشي
ابوها / وحياة امي ما انتو مروحيين غير لما حد ييجي يستلمكم من هنا
ابو كنزي / طيب شوف اي حاجه انت عايز تعملها في البيت واحنا نعملها بدالك
ابوها / مممممم فكره حلوه دي .. عجبتني ياض
سمسم / فكره حلوة ايه يا ريس
ابو كنزي / اخرس يلا انت كمان
ابوها / بصو يا معلمين انا عايزكم تمسحولي السلم بتاع العماره دي سلمه سلمه
ابو كنزي / سلمه سلمه عتبه عتبه انا معاك يا معلم
سمسم / معاك ايه ياعم انت ...يا باشا عيب احنا ولاد ناس برضو
ابوها / مهو لو ممسحتوش عليا الطلاق ما انتو مروحين
سمسم / خلاص خلاص ... نمسح
خرجو عشان يمسحو السلم طبعا
ونزل ابو سومه يقف تحت عند الباب عشان ما يهربوش وطلع سومه تقف هي وامها فوق عشان ميهربوش برضو
بس لحسن حظ سمسم ان ام سومه طبعا عارفه انهم بيحبو بعض
عشان كده سمسم فرح انه كده هيعرف يهرب
وبعد خمس دقايق
سمسم / يلا ياض يا ابو كنزي هنهرب
ابو كنزي / لا ياعم انا مش جاي معاك في حته تاني انا عايز امسح
سمسم / يلا يا قفل انت اخلص
ابو كنزي / وهنهرب منيين انت مش شايف احنا متحاصريين
سمسم / ابوها تحت ومش شايفنا وهو فاكر اننا مش هنعرف نهرب من فوق بس انا عارف طريقه هنهرب بيها
ابو كنزي / طب والحجه هي وامها اللي واقفيين فوق دول
سمسم / يا ابني امها عارفه اني بحبها وهتسبني اهرب
ابو كنزي / طب ولو معرفناش واتمسكنا تاني
سمسم / متقلقش
ابو كنزي / لاء اقلق .. المره الجايه فيها مسح حاجه تانيه
سمسم / يا زفت يلا وبطل غباء مش عايزيين نضيع وقت
طلع سمسم وابو كنزي جري علي فوق عشان يهربو
سومه / انتو راييحن فين
ابو كنزي / طالعين نشوف لو عندكم غسيل نلمهولكو ولا حاجه
سمسم / شوفتي جرالي عشانك ايه
امها / ينفع كده يا سمسم وانا اللي بقول عليك عاقل
سمسم / يا طنط والله في سوء تفاهم انا كل الحكايه مهنش عليا اسيب سومه تنام وهي زعلانه
سومه / واللي حصل في الجامعه الصبح
سمسم / والله يا سومه انا البنت دي ما اعرفها دي تبع ميمي
سومه / ولما هي تبع ميمي ايه اللي خلاها تنام علي كتفك
امها / كتفك !!!
ابو كنزي / مستغربه من الكلمه يعني .. كتفه غالي عندك للدرجه دي
سمسم / ما تتلم يلا انت
سومه / طيب يا سمسم اتفضل اطلع امشي عشان ابويا هتلاقيه طالع دلوقت
سمسم / مش همشي الا لما تقوليلي مسمحاني
امها / دا وقته يا سمسم
ابو كنزي / قوليله والنبي يا حجه
سمسم / ما تخرس يا زفت
يا طنط عشان خطري خليها تسامحني انا عملت كل ده وكنت مستعد اعمل اكتر من كده عشانها
سومه / ماشي يا سمسم انا هسامحك بس عشان اللي انت عملته ده بس والله يا سمسم لو الحكايه دي اتكررت تاني يبئا تنسي انك كنت تعرفني اصلا
سمسم / خلاص والله تووووووووبه
ابو كنزي / هي توبه فعلا
امها / خلاص يا سمسم اهي صلحتك اهيه يلا بئا اطلع اجري وانا هتصرف
سمسم / ربنا يخليكي ليا يا اجمل ام سومه في الدنيا
ابو كنزي / هههههههههههههههه حلوه ياض عجبتني
سمسم / اخرس يالا
سومه / يلا يا سمسم امشي بئا وخلاص انا اتأكدت انك مظلوم لان الحكايه فيها ميمي
سمسم / اه وحياتك
سومه / هو فين ميمي صحيح
سمسم / هههههههههه هرب مننا .. شاف ابوكي نازل فجري ومقلناش
سومه / ههههههه ندل من يومه
ابو كنزي / ندل وابن كلب
سمسم / اخرس يا ابني انت
امها / سمسم ... ياريت ما تجيش هنا تاني بالطريقه دي
سمسم / اوعدك يا طنط اني هاجي قريب بس بطريقه تانيه
وطلع سمسم وابو كنزي ع السطح جري ونطو علي سطح العماره اللي جنبهم ونزلم وخرجو وهما مروحين قابلو ميمي واقف مستنيهم علي اول الشارع
ميمي / هههههههههههههههه كفاره يا جدعاااااااااان
ابو كنزي / سمسم / امسك الواد ابن التتييييييييييييييييييييييييييييييت
ــــــــــــــ
ليست هناك تعليقات:
إرسال تعليق