الجزء الاول من حلقة
- ميمي بيحب يا ولاد -
ضيف الحلقه .. ( ايمان ) صحبتهم بتاع زمان
حلوه الجمله دي تحس انها شعر ايمان بتاع زمان والنبي شاعر
نخش في الجد بئا
في ساعة مغربيه .. سمسم وميمي ماشيين ع الكورنيش وبيشربو سيجارتين
والجو ساقع والدنيا شكلها هتمطر
دخل سمسم في الموضوع علي طول
سمسم / ايه الموضوع اللي انت منزلني عشانه في الجو ده يا زفت انت
ميمي / مش عارف ابدء منين يا سمسم مش عارف
سمسم / ياعم ارغي واخلص هتعملي فيها خجلان
ميمي / مهو انا المره دي اللي بجد يا سمسم خايف تتريق عليا وتقولي اني بهزر
سمسم / مش هتكمل يا ميمي
ميمي / هي ايه اللي مش هتكمل ؟
سمسم / مدام انت كده يبئا اكيد بتحب بت جديده .. وزي كل مره شايفها هي الحب الاول والاخير وعايز حل وعايز تعرفها انك بتحبها ,, وزيها زي غيرها يا ميمي هتاخد يومين
وهتسيبها يبئا كبر بئا
ميمي / ده اللي كنت خايف منه ,, سمسم المره دي انا حبيت بجد
سمسم / ودي ان شاء الله من انهي شات المره دي ,, ولا من ع الفيس ؟
ميمي / ياعم اسكت شات ايه وقرف ايه ,, انا اعرفها من واحنا في المدرسه وانت كمان عارفها
سمسم / طب كويس شكل الموضوع هيحلو مدام البت دي نعرفها من زمان ,, مين هي بئا ؟
ميمي / ايمان السيد
سمسم / مين ايمان السيد دي
ميمي / البت يلا اللي كانت معانا في الفصل اللي كانت بتقعد في اول دكه دي ام عيون خضرا
سمسم / ااااااااااااه هههههههههههههههه ايمان التنكه هههههههههههههههه
ميمي / سمسم !!
سمسم / خلاص خلاص ,, وانت شوفتها فين دي تاني يا ابني .. هي مش كانت رجعت المنصوره ودخلت جامعه هناك .. شوفتها فين
ميمي / شوفتها مع سومه
سمسم / سومه مين !!
ميمي / هتكون سومه مين .. سومه ياعم سمسم
سمسم / اه صحيح دول كانو اصحاب جدا .. وانت شوفتهم امتي
ميمي / النهارده في الجامعه
سمسم / هي سومه نزلت الجامعه ,, معرفتنيش يعني
ميمي / ياعم كبر بئا ,, المهم انا عايزك تجيبلي نمرتها بأي طريقه
سمسم / اجيبلك نمرتها منين يعني انا ؟
ميمي / بقولك شوفتها مع سومه .. اكيد سومه معاها نمرتها
سمسم / انت اهبل يا ميمي هقول لسومه هاتي نمرة ايمان
ميمي / ياعم انت قولها لميمي وكده .. انت لازم تقف جنبي في الموضوع ده يا سمسم
سمسم / مممممممم وهتدفع كام يا معفن
ميمي / ياعم هديك اللي انت عايزه بس تخلصلي الموضووع ده بأي طريقه
سمسم / ههههههههههههههههههههههههههههههههههه
اول مره اشوفك كده يا مممممممممييييييييمممممممممممي
ميمي بيحب يا بشرررررررررررررررررررررر
ههههههههههههههههههههههه
*******************************************
بليل بعد السلعه 12 اتصل سمسم بسومه ودار الحوار
حلوه دار الحوار دي
**
سمسم / مساء الخير مساء الخير مســاء الخير
سومه / مساء النور مساء النور مســاء النور
سمسم / وحشتيني وحشتيني سنين بعدك علي عيني
سومه / سنين بعدي ههههههههه ده علي اساس ان انت بتقدر تبعد عني اصلا
سمسم / تؤتؤتؤتؤ كده هنغلط ولا ايه هو عشان انا بحبك ومبقدرش استغني عنك هتسمي ده ضعف
سومه / اه ضعف اومال تسميه ايه واحد مش قادر يبعد عن واحده يبئا ضعف .. وبعدين كبر مخك ما انا كمان ضعيفه ومش بقدر اسيبك
سمسم / هههههههههه حلوه النكته دي هههههه يا بنتي ده انا كل يومين بصالحك في حكايه شكل
سومه / مهو من عمايلك بس برضو مبتهونش عليا وبرجعلك مع انك متستهلش
سمسم / كده كده
سومه / هههههههه بطل بئا وقولي متصل ليه
سمسم / ههههههههه نكتك كتير اوي النهارده ... ومن امتي بتصل بيكي ولا انتي بتتصلي بيا عشان حاجه .. وبعدين يا ستي في سبب
سومه / اللي هو ايه بئا
سمسم / وحشتيني اوي وعايز اقولك ان الثواني في بعدك بتعدي سنين
سومه / بطل بئا جو المسلسلات ده هههههههههه قول بئا عايز ايه انا حافظاك يا سمسم
سمسم / طويب ... طالما حفظاني بئا يا ستي يبئا تسمعي اللي هحكهولك ده
ــــــــــ
في نفس ذات الوقت ميمي قاعد في اوضته زي الاهبل قايم قاعد نايم واقف ماشي ناطط كل حاجه
رايح جاي في الاوضه مستني مكالمة سمسم اللي هيطمنه فيها ع الحوار
ودخل اخو ميمي عليه مره واحده واتفتح الباب تاااااااااااااخ
ميمي / ايه يا زفت انت مش تخبط
عمرو / ابئا خبط انت الاول
ميمي / اخلص يلا عايز ايه
عمرو / هات سيجاره
ميمي / سيجارة مين يا ابن الضايعه روح يلا ذاكر يلا انت في ثانوي
عمرو / مهو عشان اروح اذاكر وعشان انا في ثانوي وعشان ما اقولش لامك ان احنا الاتنين بنشرب سجاير هاااااااااات سيجاره يا ميمي
ميمي / يا ابن المبتذه ....... غور افتح الدرج وخدلك واحده
عمرو / بعد الاستفزاز ده كله وواحده لاء ياعم انا هاخد تلاته
ميمي / تصدق بالله لو ما خلصت في يومك لهرميك من الشباك اخلص خد اللي تاخده واخرج انا مش ناقصك
ـــــــــــــ
نرجع تاني للحوار بين سمسم وسومه
انا حاسس اني قلبت علي بانوراما دراما
سمسم / بس يا ستي هو ده الموضوع كله
سومه / انت بتهزر طبعا صح
سمسم / بهزر ليه يا سومه انا قولتلك اللي حصل وانتي لازم تساعديه
سومه / اساعد مين ... انت متصور اني ممكن اخلي أقرب صاحبه ليا تحب واحد زي ميمي عايزني ارميها في النار بإيدي
سمسم / نار مين بس حرام عليكي والله لو كنتي تشوفي الواد كنتي هتتعاطفي معاه بجد ميمي شكله بيحب بجد المره دي ومش بيلعب
سومه / ميمي اصلا ميعرفش يعني ايه الجد ميعرفش غير اللعب ارجوك يا سمسم خلينا احنا بعاد عن الموضوع ده لو هو عايز يكلمها يروح يكلمها لو يعرف ياخد معاها موقف ربنا يسهله وعلي فكره .. لو هي سألتني عليه واخباره ايه وكده هقولها كل حاجه عنه مش هخبي حاجه
سمسم / يااااه ... مكنتش اعرف ان قلبك قاسي كده
سومه / انا قلبي قاسي يا سمسم
سمسم / اه قلبك قاسي ومش حاسه بالواد وهو بيحب كل ده عشان زعلك قبل كده تحرميه من حد بيحبه وكمان هتساعدي انه يبعد عنها حرام عليكي
سومه / سمسم لاحظ ان انت تاني بتدخل ميمي بينا وشكلنا هنزعل من بعض تاني عشانه
سمسم / وانا قولتلك يا سومه ميمي ده اعز اصحابي ومينفعش تتكلمي عنه بالشكل ده
سومه / ده انسان صايع وضايع وانا عمري ما ادخل نفسي في حاجه ليه انا كده هنضر
سمسم / اوك يا سومه شكرا علي كلامك ده كله تصبحي علي خير
وقفل سمسم السكه في وش سومه
بس المره دي مش هنرجع علي اوضت سمسم ولا علي اوضت ميمي هنرجع علي اوضت سومه وهي بتقفل الموبايل وبتنفخ لان سمسم قفل في وشها وهنتفاجئ ان ايمان قاعده جنبها وبايته عندها
ايمان / مين ميمي ده يا سومه اللي اتخانقتو عشانه ومين صحبتك اللي مش عايزاها تحبه
سومه / الواد اللي طول عمره قاعد جنب سمسم ده
ايمان / ااااااااااااااه افتكرته .. انا حتي متهيئلي اني شوفته في الجامعه الصبح بس شبهت عليه
سومه / اه كان هو
ايمان / ومقولتيش ليه يا بنتي كنا نسلم عليه
سومه / ايمان خرجي نفسك من الموضوع ده
ايمان / موضوع ايه مش فاهمه حاجه
سومه / بكره تفهمي تصبحي علي خير
ــــــــــ
يتصل سمسم بميمي بعد ما يقفل علي طول
ميمي / فرحني يا ريس
سمسم / الموضوع شكله قافل يا ميمي
ميمي / نعم يا اخويا قافل ايه
سمسم / زي ما بقولك كده سومه بتقول عليك انك ضايع وصايع ومش هتسيب صحبتها تحبك وتضيع زيك
ميمي / يعني ايه يا سمسم
سمسم / معرفش والله يا ميمي انا حتي قفلت السكه في وشها وزعلت معاها
ميمي / ليه كده .. مش قولتلك متزعلش معاها تاني بسببي المشاكل دي هي اللي بتخليها تكرهني
سمسم / سومه مبتكرهكش يا ميمي هي بس مش واخده علي تصرفاتنا الاوفر شويه وفاكره انها بتحب واحد ملاك ومتعرفش ان انا بعمل زي كل الشباب كلنا ضايعين في الدنيا دي
ميمي / طب وانا ذنبي ايه يا سمسم تقول عني كده ليه
سمسم / معلش يا ميمي نام دلوقت وبكره نتقابل في الجامعه ونشوف هنعمل ايه
ميمي / نوم !! .. ومين هيجيلو نوم يا سمسم
تصبح علي خير
ــــــــــ
ليله مليانه رومانسيه ... بس للاسف رومانسيه حزينه
محدش من الاربعه نام ... سمسم نايم ع السرير وماسك الموبايل في ايده عايز يكلم سومه يصالحها وعارف انها منمتش اكيد
وسومه نفس الحكايه وحطا الموبايل جنبها وقاعده تعيط ازاي سمسم يرجع تاني يزعلها عشان صحبها وعشان حكايه متستهلش من وجهة نظرها
وايمان نايمه جنبها عندها فضول تعرف ايه اللي حصل لكل ده وشاكه انها فعلا موجوده في الحكايه دي
وميمي طبعا معروف سببه
قاعد في البلكونه في منظر عمره ما عمله قاعد سرحان والسيجاره بتخلص في ايده وهو مش مفتكر ان في ايده حاجه اصلا وبيفكر وبيعيد حساباته
لحد ما طلع النهار وقام الاربعه كل حد فيهم لبس هدومه وظبط نفسه ونزل كل اتنين مع بعض الجامعه
*********
الي اللقاء في الجزء الثاني من حلقة
- ميمي بيحب يا ولاد -
تابعونا علي هذه الروابط
ليست هناك تعليقات:
إرسال تعليق