الجزء التاني من حلقة
( في بيتنا مطرب )
لمتابعة الجزء الاول قبل القراءه اتبع هذا اللينك
الحلقه الثانيه
طبعا سومه جت وقفشت سمسم في الوضع المحرج ده وسبته ومشيت وهو فضل قاعد مكانه وسما قاعده جنبه طبعا مش فاهمه حاجه ولا عارفه اصلا مين دي
سما / سمسم مين دي
سمسم / لا متخديش في بالك انتي
سما / دي حبيبتك
سمسم / تقريبا كدا
سما / ازاي
سمسم / ايوا يا ستي حبيبتي اعتقيني لوجه الله بئا عشان انا مخنوق
سما / خلاص خلاص طب وميمي مش هتجبلي منه الموبايل
سمسم / هو رد عليكي قالك ايه مش قالك وحياة امي مانتي وخداه
سما / ايوا قليل الذوء
سمسم / انا بئا وحياة امه وامي مانتي وخداه
سما / انتو كلكو زي بعض وربنا
سمسم / مش اصحاب بئا
ومشيت سما وسمسم قاعد برضو مش عارف يعمل ايه يعمل ايه عاوز يكلم ميمي وافتكر ان ميمي معاه رقم سما عشان هي ضيعت رقمه قام يجري يدور عليها عشان ياخد الرقم عشان يكلمه ملقهاش فاتصل عند ميمي في البيت
سمسم / الو
اخو ميمي / الو
سمسم / ميمي عندك يا عمرو
عمرو / اهو في اوضته جوا
سمسم / اندهولي بسرعه
عمرو / ماشي
..............................
ميمي / ايه يا سمسم
سمسم / الحقني يا ميمي
ميمي / ايه اللي حصل
سمسم / تعالي وانا هحكيلك علي كل حاجه
ميمي / انت كويس يعني
سمسم / طبعا مش كويس سومه شافتني وسما حطا دماغها علي كتفي وبتعيط
ميمي / يانهارك اسود
سمسم / مش وقته يا ميمي ابوس ايدك تعالي بسرعه
ميمي / وانت ممشتش ليه مش شوفتني مشيت
سمسم / يا ابني حرام عليك بئا اخلص انا هروح اهوت عايز اروح القيك في البيت عندي
ميمي / ماشي يا عم روميو
ـــــــــــ
روح سمسم البيت لقا ميمي قاعد في اوضته ومشغل التلفزيون وبيتفرج علي فيلم ظرف طارق
سمسم / دا وقت افلام بس
ميمي / لاء وقت احضان (بيتريق عليه )
سمسم / مش وقت تريقه خالص
ميمي / طب والعمل يا صحبي انت كنت حاضنها اوي يعني
سمسم / يعني
ميمي / وملقتش غير سما اللي تحضنها
سمسم / ياعم البت كانت بتعيط وقاعده جنبي وقامت حطا راسها علي كتفي وانا كنت بمسح دموعها
ميمي / طب وفيها ايه دي انت معملتش حاجه المفروض ان سومه كانت توقف تسقفلك
سمسم / ياعم انت بئا انا زهقت المره اللي فاتت عدت علي خير المره دي مش عارف ايه اللي ممكن يحصل
...................
سمسم / انت سكت ليه يالا انت
ميمي / هششششششششششششششش
سمسم / في ايه
ميمي / اتفرج يا برنس
سمسم / ياعم انا حافظ الفيلم ده
ميمي / مش مهم تحفظه المهم ان جتلي فكره بنت كلب جامده اخر سونج
سمسم / ايه هي بسرعه
ميمي / شايف احمد حلمي طالع لنور ازاي في الدور السابع ولا الخامس
سمسم / وانا اعمل ايه يعني
ميمي / انت هتبئا احمد حلمي
سمسم / ياعم دي شقتهم في الدور الثاني يعني بتاع 6 متر عن الارض
ميمي / طب دا كويس ياعم
سمسم / طب ولما انا هكون احمد حلمي مين هيغني ويكون تامر حسني
ميمي / امممممممممممممممممممم
سمسم / تييجي نروح لتامر
ميمي / انت بتهرج انت كمان
سمسم / اومال مين
شفط ميمي نفس من السوجاره واتكد علي الاريكه ( الكرسي يعني ) وبنظره غريبه بص لسمسم وقاله
أبو كنـزي
سمسم / نعم
ميمي / هو ابو كنـزي
سمسم / ياعم دا بيغني في الافراح وبينضرب كمان انت عايز توديني في داهيه
ميمي / خلاص ياعم روح انت لتامر حسني وانا مروح
سمسم / ياعم اهدا بس هنتفاهم .... انا موافق خلاص
ميمي / يبئا تمام اوي جهز نفسك علي 12 بليل هنروح عند بيتهم وانا هكون جهزت ابو كنـزي
سمسم / ماشي
ـــــــــــــ
وجت الساعه 10 بليل وميمي متصلش بسمسم ومفيش حاجه حصلت وسمسم قاعد جاهز ولابس بئا ومحضر نفسه فجأه سمع جرس الباب راح فتح لقاه ميمي
سمسم / ايه يا زفت انت كنت فين
ميمي / ياعم اسكت في مشكله
سمسم / ايه هي
ميمي / ابو كنـزي عنده فرح وبيغني دلوقت وهيخلص الساعه 12
سمسم / ياعم كنت هاته من قفاه هو مش صاحبنا ولازم يخدمنا
ميمي / خلاص تعالي نروحلو انا وانت ونجيبه بالعافيه
سمسم / يلا ياعم
ونزل ميمي وسمسم راحو علي مكان الفرح اللي بيغني فيه ابو كنزي ولقوه واقف ع المسرح بيغني والناس تقريبا نايمه قدامه
فكرو في حاجه يعملوها عشان ياخدوه من الفرح
ميمي / بص يا سمسم انت هتروح تطفي النور وانا هطلع اخطفه
سمسم / نعم ايه جو الافلام العربي ده
ميمي / مالها الافلام العربي يا ابني احنا مش رايحين نصالح الهانم بيها اهوه
سمسم / معاك حق معاك حق ....... بس منفكر في حاجه تانيه
ميمي / انت هتخلص ولا لاء
سمسم / خلاص رايح اهوت هفصل الكهربا
ميمي / انا هطلع ع المسرح واول ما اشاورلك واغمزلك تطفي
سمسم / بس هطفي واجري
ميمي / تستناني عند العربيه برا وملكش دعوه
سمسم / ماشي
ـــــــــــــ
وطلع ميمي ع الفرح وسمسم راح عند سكينة الكهربا زي الافلام بالظبط ووقف ميمي ورا ابو كنـزي وقام مشاور لسمسم قام سمسم فاصل الكهربا وجري طلع ع العربيه برا وبعد دقيقتين لقا ميمي جاي وشادد في ايده ابو كنزي
ابو كنـزي / يا ميمي سبني ابوس ايدك هخلص الفرح واجي معاكو وربنا
ميمي / وحياة امي مانا سايبك انا يا جزمه اتصل بيك تقولي مش فاضيلك
ابو كنـزي / هو انت يعني جت خدتني من ع السرير ... منا واقف في الشغل اهوت
سمسم / يا ابو كنـزي احنا برضو عاوزينك في شغل
ابو كنـزي / يا سمسم الناس اصحاب الفرح ممكن ميدونيش بقيت حقي
ميمي / قولهم الكهربا قطعت ياعم وفقكك بئا ولو مدوكاش بقيت حقك انا وسمسم هنعوضك
ابو كنـزي / مش حكاية فلوس يا ميمي بس انت عارف اني بحب الغنا
سمسم / ياعم غنا ايه ياعم دا الناس كانت نايمه منك وبعدين دي اغاني اصلا
ابو كنـزي / مالها يا عم انت
ميمي / مهو عنده حق يا عم حد يغني يقول عليا الحرام من ديني انتي اللي هتحبييني يا بنت ستين كلب انتي اللي جوا القلب
ابو كنـزي / علي فكره بئا دي مدغدغه الدنيا
سمسم / ولا غور قدامنا بئا وانسي اغانيك دي انت عارف اغنية هوصلك بتاع تامر حسني
ابو كنـزي / طبعا ياعم دي اغنيتي المفضله اللي بختم بيها الفرح
ميمي / فرح ايه اللي تختمه بأوصلك ياعم دول بيبئو اتجوزو وداخلين
ابو كنـزي / المهم اعمل ايه انا
سمسم / احنا هنفهمك علي كل حاجه في السكه المهم تكون جاهز
ابو كنـزي / ابو كنـزي مدام في ايده مكرفون يبئا جاهز علي طول
ميمي / وانا عامل حسابي اهوت ياعم وجايبهولك
ابو كنـزي / ايه ده ياعم دا زي اللي بيندهو بيه ع الخيار
سمسم / يا ابني بقولك ايه احمد ربنا اننا جبناه اصلا بدل ما كنت تعلي في صوتك وتصحي الشارع علي صوتك ونتحبس
ميمي / هههههههههه ومين قالك ان ده مش هيحصل
ابو كنـزي / ماشي هتشوفو انا هشرفكو ولا لاء......... البيت فين ؟
سمسم / اركب وانت ساكت
ميمي / علي بركة الله يا جماعه وشكلها ليلة العمر
سمسم / ان شاء الله
ميمي / بس المشوار ده ناقصه حاجه
ابوكنـزي / سمسم / ايه ؟
ميمي / البرنس يا كبير ههههههههههههههههههههههه
سمسم / هههههههههههههههههه اطلع وانت ساكت انت كمان
ــــــــــــ
وكدا خلصت الحلقه الثانيه من الجزء دوت
يوم الاربع الجزء الاخير من الحلقه
تابعونا علي هذه اللينكات
تسلم الايادى يا بيبو . بجد حلقات جميلة قووى
ردحذفتسلم يا حولم ومنور دايما
ردحذف