الجزء الثالث وقبل الاخير من حلقة
( في بيتنا مطرب )
لمتابعة الجزء الاول والثاني علي الروابط التاليه
_^^_
وصلت العربيه بيهم عند بيت سومه بالظبط وتحت البلكونه بتاعت اوضتها الساعه 11 بالظبط
ونزلو التلاته من العربيه وقاعديين يفكرو هما هيطلعوها من الاوضه ازاي ولا هيطلعو سمسم للبلكونه ازاي ؟
سمسم / والعمل يا سي ميمي
ميمي / عمل ايه يا سي سمسم
ابو كنـزي / عمل ايه صحيح !!!
سمسم / نعم ... واد انت وهو مش ناقصه غباوه خالص
ميمي / ياعم سيبني افكر بئا انت ازاي هتطلعلها
سمسم / اطلعلها ( منبهر من المفاجأه )
ميمي / ايوه تطلعلها اومال احنا جايين ليه يا اختي
سمسم / طب ماشي هعديهالك موافق ... بس اطلعلها ازاي بئا ؟
ميمي / اومال احنا بنفكر في ايه يا عم
ابو كنـزي / حبيبي النهارده لازم تعرررررررررف حبك جابلي دوخان انا بحبك بحبببببك .....( قاطعه سمسم )
سمسم / الله يخربيت اهلك هتفضحنا انت بتغني ايه ولا بتعلي صوتك ليه دا وقته
ابو كنـزي / يعني اعمل ايه انا ما انتو مش عارفيين تعملو حاجه قولت ابدء شغلي انا بئا عشان اخلع بدري بدري
سمسم / هو احنا جايبيينك تصلحلنا بوتجاز ياض انت
ميمي / اهدا اهدا انت وهو ...... ابو كنـزي بيتكلم صح
سمسم / ايه الصح في كده اصلا
ميمي / بص يا ابو كنـزي
ابو كنـزي / بصيت
ميمي / انت تبدء تغني ... وانا وسمسم هنستخبي ورا العربيه دي .. واول ما تشوف واحده طلعت تصفر وبعديين تختفي انت
ابو كنـزي / اي وحده ... طب افرض طلعت واحده ورمت عليا مايه وسخه مثلا مثلا
سمسم / تبئا خير ما عملت .. ولا هتكون غلطانه في دي كمان ؟
ميمي / بس يا سمسم ... بص يا زفت وركز بئا ... لما تلاقي واحده خارجه من البلكونه دي .. شايفها ولا ايه
ابو كنـزي / ايوه ياعم اللي ناشريين كتب علي حبال الغسيل دول
سمسم / الله يخربيتك انت ايه اللي نزلك تحت كده ... يا زفت البلكونه دي اللي في الدور التاني دي
ابو كنـزي / خلاص ياعم خلاص ماشي فهمت
ميمي / يلا يا زفت ابدء واحنا هنستخبي عشان لو طلعت لقت سمسم ولا شفتني هتخش ومش هتخرج تاني
ابو كنـزي / طيب روحو استخبو.
وراح ميمي وسمسم استخبو ورا عربيه وبيلحظو ابو كنـزي ومستنيينه يغني
سمسم / الزفت ده مبيغنييش ليه
ميمي / وانا ايش عرفني
سمسم / طب ما تروح تضربه ياعم وخلصنا
ميمي / ياعم اهدا بس عليا ..... هات الطوبه اللي جنبك دي
سمسم / ليه ؟
ميمي / ياعم انت هات وملقش دعوه
سمسم / خد .... هتزقلو بيها
ميمي / انا هفحته بيها
وقام ميمي وخبط ابو كنـزي بالتوبه جت في ضهره وفي لحظة لمس الطوبه لضهر ابو كنـزي .. أكن زلزال قام في المكان من الصرخه بتاعته
سمسم / الله يخربيتك يا ميمي انا رايح اشوف الواد جراله ايه
ميمي / خد يا زفت انت خد يلا خد يا ابني
جري سمسم علي ابو كنزي ومسكه
سمسم / مالك يا ابو كنـزي حصلك حاجه
ابو كنـزي / ااااااااااااااااااااااااااااااااااه ضهررررررررررري
سمسم / وطي صوتك يا ابن الممله
ابو كنـزي / مين اللي زقل الطوبه دي فيكو ... ورحمة امي منا سايبكو يا ولاد التيت
سمسم / يا زفت انت قوم معلش المهم نخلص في ام الليله دي انا مش ناقص ابوس ايدك
وسمسم ماسك ابو كنـزي وبيتكلم معاها سمع صوت من ميمي بيبسباسله ( بس بس .. بس بس .. بس بس )
سمسم / عايز ايه انت كمان
لقا ميمي بيشاورله علي البلكونه فوقه
بص سمسم وفجأه لقا سومه واقفه بتبص عليهم
قام مرجع وشه لميمي تاني وشاورله اشاره بمعني (اعمل ايييييييييه )
شاورله ميمي انه يغنيلها هو ويمسك المايك ويغني
سمسم بصله بصت استغراب ودهشه وهزله راسه بمعني (لاء )
فضل ميمي يشاورله ويشتم فيه في سره ويقوله انها هتمشي وكده ولازم تغني
وفجأه لقا ابو كنـزي بيقوله / سمسم .. انا عايزك تكمل المسيره من بعدي يا سمسم
سمسم / مسيرة ايه ياعم انت كمان استني
ابو كنـزي / خد البتاع ده وغنيلها انت قبل ما تدخل يا غبي
سمسم / تفتكر
ابو كنزي / يلا يا زفت قبل ما تدخل بسرعه
سمسم / هات البتاع بسرعه
وقام واقف سمسم وماسك المايك والصوت من المايك اللي زي ده بيبئا عامل زي صوت العرسه كده وهو اصلا صوته معفن وقذر
سمسم / السلامو عليكو .. بعد السلام ااااه يحلي الكلام اااه نسهر ندوب حب وغرام اااه..........!!!
وفضل سمسم يهبل اي كلام في اي كلام وهو ماسك المايك ابو صوت معفن ده وبص لقا سومه وبتضحك اوي فانبسط
وفي لحظه لقاها دخلت وسابت البلكونه
سمسم / يا ميمي ... اعمل ايه يا عم
ميمي / انت كده ميه ميه ... بس ملقتش غير الاغنيه الهابطه دي
سمسم / وانا يعني لقيت اعلي منها ومغنتش ... هو انا كنت داري بنفسي اصلا
ميمي / دلوقتي بئا يا معلم احنا نستني شويه وهي اكيد هتخرج تاني تبص علينا لما تحس اننا مشيينا
لكن في نفس الوقت اللي كان بيدور فيه الحوار ده بيين سمسم وميمي كان في حوار تاني جوا الشقه عند سومه بينها وبيين ابوها ..... تعالو نشوفه
سومه / بابا
ابوها / نعم
سومه / خلاص مفيش
ابوها / في ايه ؟ تعالي هنا
سومه / الصراحه كده في شوية عيال زباله واقفيين تحت البلكونه عندنا وجايبيين ميكروفون وقاعديين يغنولي وانا مش عارفه انام
ابوها / يا نهارك اسود يغنولك
سومه / وانا مالي يا بابا هما اللي بيغنو انا جيت اقولك اهوه عشان تتصرف
ابوها / اتصرف !!! دانا هتصرف علي ابوهم دلوقت
روحي انتي اقفي في البلكونه وانا هنزل امسكهم واجيبهم هنا وشوفي هعمل فيهم ايه
سومه / لا يا بابا مش مهم روح مشيهم بس وخلاص
ابوها / لا وربنا لاموتهم واوديهم السجن النهارده
وجري ابوها نزل بشويش وبراحه وهي خرجت تجري تقول لسمسم انه يمشي عشان ابوها نازل
سمسم بيبص لقا سومه خرجت تاني فرح اوي وميمي بيقوله مش قولتلك اهي خرجتلك تاني اهوه يلا بئا قوم غني وعيط شويه
سمسم / بحبك مش هقول تاني وعايزك وانتي عايزاني ................!!!!
وسومه قاعده تشاورله امشي بسرعه امشي امشي
ميمي / عايزاك تمشي يا معلم دا كده يبئا الصناره غمزت ... خش بهوصلك بئا وخلص الحوار ده كله
سمسم / انا مش هخاف المره دي ضاع من عمري كتير في الخوف مش هكون انسان عادي انا هتحدي اي ظروف
هوصلك ................!!! ( الكلمه مكملتش وفجأه لقا سومه جريت تخش جوا ولقا ميمي بيجري )
بيبص سمسم وراه لقا واحد ضخم راح ماسكه وماسك ابو كنزي معاه وميمي هو اللي هرب من الليله يا معلم
والحلقه الجايه نشوف ايه اللي حصل ليهم فوق في شقة سومه
ـــــــــــــ
تحياتي
غدا ان شاء الله الجزء الاخير
تابعونا كالعاده علي تلك الروابط
ليست هناك تعليقات:
إرسال تعليق